ماما دايمًا عندها معتقد إن البيت اللي فيه خبيز دايمًا فيه الخير وريحته بتبقى جميلة، وكبرت واتجوزت وسبت البيت ولقيت فعلًا إن كلامها صح.. دايمًا بحن لبيت ماما عشان ريحته الحلوة والمخبوزات اللي عمرها ما اتقطعت منه حتى لو كانت صعبة في عمايلها دايمًا كانت بتلاقي طريقة ووصفة مبتكرة تعملها.. من ضمن الوصفات الحلوة بتاعتها هي الكرواسون الهش والمورق اللي بيبقى زي الجاهز وأحلى، في المقال ده هاقول لك على وصفة كرواسون حلوة وأربع حشوات مختلفة ليه.
مقادير عجينة الكرواسون
- ٤ كوب دقيق
- ٤ معالق كبيرة لبن باودر
- ٣ معالق كبيرة سكر
- معلقة كبيرة ونصف خميرة فورية
- ٢ معلقة كبيرة سكر
- رشة ملح
- ٢ بيضة درجة حرارة الغرفة
- ربع كوب زيت عباد شمس
- كوب زبادي صغير
- كوب مياه دافية
كرواسون
طريقة عمل الكرواسون الهش
- حطي الخميرة مع السكر وضيفي المياه الدافية وقلبيهم كويس.
- ضيفي كمية صغيرة من الدقيق وقلبي كويس.
- ضيفي الزبادي والبيض واللبن الباودر والزيت ورشة الملح وقلبي.
- ضيفي الدقيق واعجني كويس لحد ما توصلي لعجينة متماسكة وسيبيها تخمر في مكان دافي.
- رشي دقيق على الرخامة وافردي العجينة بالنشابة لحد ما توصلي لسمك مناسب من العجينة.
- قطعي العجينة بالراحة يالسكين أو قطاعة بيتزا على شكل مثلثات.
- ضيفي الحشوة ولفي العجين واتني الاطراف لجوه لحد ما توصلي لشكل الكرواسون.
- ادهني صينية بالزيت ودخليه الفرن على درجة حرارة ١٨٠.
حشوات كرواسون مختلفة
الكرواسون بالشوكولاتة
هاتي شوكولاتة خام وسيحيها في الميكرويف أو شوكولاتة سايحة جاهزة وضيفيها مع العجينة.
أكلات مختلفة تعمليها بـ عجينة العشر دقايق
الكرواسون بالجبن والبسطرمة
كرواسون بالبسطرمة والجبنة
مكونات الحشو
- ميكس جبن
- بسطرمة
- سمسم
هاتي ميكس جبن (رومي/ شيدر/ بارميزان..) وقطع بسطرمة صغيرة وضيفي معلقة من الحشوة دي للعجين قبل دخول الفرن ورشي رشة سمسم على الوجه.
اعرفي طريقة الباستا فلورا من هنا.
الكرواسون بالتركي والجبن الامنتال
طريقة عمل الكرواسون
مكونات الحشوة
- جبن امنتال
- تركي
- مايونيز
- خس
- طماطم شيري
بعد ما الكرواسون يستوي ويبرد افتحيه زي الساندوتش وادهني الكرواسون مايونيز وضيفي التركي والجبن والخس والطماطم الشيري المقطعة.
طريقة عمل فطيرة التفاح .. ولا أسهل ولا أسرع من كده
طريقة عمل الكرواسون بالجبنة الفيتا
كرواسون بالجبنة
مكونات الحشوة
- جبنة فيتا
- زيتون أخضر أو أسود متقطع شرايح صغيرة
- رشة زعتر
امزجي الجبن مع الزيتون والزعتر واحشيه مع العجينة قبل دخول الفرن.
عشان تحصلي على لون حلو للكرواسون ادهني الوش ببيضة وبألف هنا وشفا.
التعليق باستخدام حساب فيس بوك