كل ما زادت سهولة تحضير الأكل، كل ما زادت حلاوته ما بالك بقى لو الأكل ده حلويات، دراسة عملتها من خمس دقايق عن خبرة سنين جواز باحب الحلويات البسيطة غير المكلفة، اللي مش بتاخد لا وقت ولا مجهود واللي كل الناس لما تدوقها تنبهر بيها. ومن ضمن الحلويات الجميلة دي هي حلو الكريم كراميل واللي ليه كذا طريقة يتعمل بيها بكل سهولة، لو عندك عزومة وعايزة تعملي حاجة ضيوفك ينبهروا بيها يبقى أكيد عليكي وعلى الكريم كراميل. اقري الموضوع ده وهاقول لك على طريقة عمل الكريم كراميل بأسهل طريقة وبنتمنى تعجبك.
طريقة عمل الكريم كراميل
المقادير لعمل الكاراميل
- نصف كوب من السكر.
- ربع كوب من الماء.
المقادير للكريم كاراميل
- 6 بيضات.
- لتر لبن.
- معلقتين كبار قشطة.
- نصف كوب من السكر.
- فانيليا سايلة أو عدد 2 كيس من الفانيليا.
- مياه مغلية.
- 2 معلقة كبيرة من الخل.
طريقة عمل السوفليه حلى سهل وسريع
طريقة عمل الكريم كاراميل
- في طاسة متوسطة الحجم، حطي السكر والميه وما تقلبيش لحد ما السكر ياخد لون بسيط.
- بعد ما السكر لونه يتغير قلبي برفق كل فترة.
- سيبي السكر لحد ما يكرمل وحبيباته تسيح وقلبي كويس لحد ما يتحول لكاراميل.
- حطي السكر في قالب كبير اللي هتعملي فيه الكريم كاراميل أو ممكن تحطيه في قوالب صغيرة قبل ما يبرد.
- حطي في كسرولة اللبن والقشطة على النار وسيبيه خمس دقايق يغلي غلوة بسيطة,
- اخلطي البيض والفانيليا والسكر وضيفي جزء من اللبن وقلبي كويس وبعدين باقي اللبن وقلبي بسرعة.
- حطي خليط الكراميل على الكراميل اللي صبتيه في القوالب.
- هاتي صينية كبيرة وصبي فيها ميه مغلية وعليها الخل وحطي فيها قوالب الكاراميل.
- دخلي الصينية في الفرن على درجة حرارة 180 مئوية وسيبي الكريم كاراميل فيها لمدة ساعة أو ساعة وربع.
- لما يستوي خرجيه من الفرن وسيبيه لحد ما يبرد خالص.
- دخلي القوالب التلاجة وسيبيه ليلة كاملة.
- هاتي طبق كبير واقلبي القوالب فيها علشان الكاراميل ينزل وبألف هنا وشفا على قلبك.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك