منتجات الألبان من الحاجات اللي لا غنى عنها في كل بيت، وللأطفال والكبار وفي كل الوجبات، ومن منتجات الألبان المحببة والمفيدة واللذيذة في نفس الوقت، اللبنة، وأجمل ما فيها إنها كريمية فسهل إن الأطفال يعتمدوا على نفسهم في أكلها وفردها في الساندوتشات. ده غير إنها ممكن تضاف لحاجات كتير زي المناقيش والمخبوزات ومقبلات منوعة، صحيح ممكن تكون الأنواع الجيدة المعروضة في السوق غالية شوية، لكن ده مش هيكون عائق ليكي، لإننا هنقول لك على طريقة عمل اللبنة في البيت، بطريقة سهلة وبسيطة جدًا، وهتعرفي كمان الفرق ما بين اللبنة والجنبة.
-
إيه الفرق بين اللبنة والجبنة؟
- الجبنة بتتعمل من الحليب السائل، لكن اللبنة بتتعمل من الزبادي أو اللبن الرايب.
- اللبنة أصلها تركي، ولها شهرة كبيرة في لبنان وسوريا.
- سعرات الجبنة أعلى من سعرات اللبنة، 100 جرام من الجبنة = 350 كالوري، 100 جرام من اللبنة = 125 كالوري.
- نسبة الكوليسترول في اللبنة أقل من نسبتها في الجبنة.
طريقة عمل الزبادي في البيت.. مفيش أسهل من كده
-
طريقة عمل اللبنة من اللبن الرايب
مكونات اللبنة
- 3-1 كيلو من اللبن الرايب.
- 3-1 ملعقة ملح لكل كيلو من اللبن الرايب حسب الرغبة.
- قطعة قماش بيضاء مسامية مغلية ومعقمة.
طريقة عمل اللبنة
- اخلطي 1-3 ملعقة صغيرة من الملح مع كل كيلو من اللبن الرايب.
- حطي المزيج الناتج بداخل قطعة القماش واربطيها كويس.
- علقي القطعة القماشية اللي بقت شبه بكيس، في أي مكان نضيف وجاف.
- حطي إناء غويط تحت الكيس المتعلق، لإنه هينزل كمية مياه كبيرة،
- سيبي الكيس متعلق، فترة تتراوح بين 5-7 ساعات.
- افتحي الكيس وانقلي اللبنة، لعلبة نضيفة وجافة في التلاجة، واستخدميها في أي وقت تحبيه.
- تقدري تضيفي على اللبنة أي حاجة انتي عاوزها، زي الزعتر وزيت الزيتون، أو النعناع الجاف.
وصحتين وألف هنا
السمن ولا الزبدة .. السمن النباتي ولا الحيواني .. اعرفي الفرق
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك