محتويات المقال
سالي فؤاد معروفة بأكلاتها الحادقة والحلوة الرائعة اللي مفيش بيت ما بيحبهاش. قدمت لنا سالي فؤاد طريقة سهلة جدًا ولذيذة للوافل اللي ممكن تعمليها لأولادك وهيفرحوا بيها قوي. في السطر دي هتعرفي طريقة عمل الوافل وعجينة الوافل خطوة بخطوة.
مقادير الوافل
- نص كوباية زبدة صفرا
- نص كوباية سكر
- كوباية لبن
- بيضتين
- فانيليا غامقة (صوص الفانيليا مش بوردة)
- كوباية دقيق
- معلقة بيكينج باودر
مقادير تزيين الوافل
- صوص شوكولاتة
- كريمة مخفوقة (كريم شانتيه)
- مربى فراولة
- فاكهة (الفاكهة اللي تحبيها أو اللي متوفرة عندك)
طريقة عمل الوافل
طريقة عمل عجينة الوافل
• اضربي الزبدة (نص كوباية) مع السكر (نص كوباية) لحد ما يعملوا قوام يشبه قوام المايونيز وبعدين ضيفي البيضتين وانتي لسه بتقومي بعملية الضرب، وضيفي الفانيليا. بعدها ضيفي اللبن والدقيق لكن بشكل تدريجي ما تقوميش بصب الكمية كلها مرة واحدة عشان ما يكلكعش. وآخر حاجة ضيفي البيكينج باودر.
تسوية وتقديم الوافل
• حطي الخليط ده في ماكينة الوافلز لحد ما يستوي تمامًا وقدميه.
• ممكن تستخدمي الزينة اللي تحبيها مع الوافل.
طريقة عمل الوافل من غير ماكينة
1. بعد ما تعملي عجينة الوافل بطريقة سالي فؤاد، حضري طاسة الجريل. حطي الطاسة على نار متوسطة وسخنيها شوية. عشان تتأكدي إنها سخنت بالدرجة المطلوبة، رشي نقط ميا على الطاسة ولو لقيتي النقط بتعمل فقاقيع، يبقى الطاسة جاهزة.
2. ادهني الطاسة بزبدة وسيبيها تدوب تمامًا.
3. حطي خليط العجين وافرديه على شكل دايرة. ووطي الحرارة من متوسطة لهادية، ودي أهم حاجة في وصفة الوافل من غير ماكينة: إنك تهدي النار. بالطريقة دي الوافل هتستوي وهتاخد شكل الخطوط بتاعة الطاسة من غير ما تتحرق.
4. سيبيها على النار لحد ما الخليط يستوي وتشوفي فقاقيع على الوش، وتلاقي إن الأطراف نشفت.
5. دلوقتي لازم تقلبي الوافل، استخدمي سباتيولا وشيلي الوافل بالراحة وبسرعة. اقلبيها عشان الوش التاني كمان يستوي.
6. تقدري تزينيها بأي طريقة تحبيها زي الوافل العادي اللي وصفنا لك وصفته فوق.
7. تقدري كمان تقسمي الوافل لأجزاء أصغر أو تقدميها زي ما هي بحجمها، على حسب ذوقك.
المصادر
مصدر وصفة طريقة عمل الوافل سالي فؤاد
مصدر وصفة الوافل من غير ماكينة
التعليق باستخدام حساب فيس بوك