من فترة كده هل علينا بسكوت اسمه لا يمت بصلة لطعمه واسمه بسكوت اللوتس، عجب المستهلك يقوم المنتج يطور من نفسه ويعمل منه سبريد للحشو أو للفرد. المهم يعني إحنا كمصريين نسكت؟ ابزولوتلي نوت! فعاملناه بقى معاملة المحشي اللي هو تلاقي أي حاجة قدامك تحشيها سواء كوسة بقى بصل أو حتى كائنات محشية زي الحمام والسمان. خدنا اللوتس فردناه ساندوتشات، حشيناه في معجنات، فتفتناه على على وش الكيكات، في ليالي الشتا والـPMS الحزينة بالمعلقة بلعناه بالبرطمانات. فلو إنتي من عشاق اللوتس ونفسك تعملي حاجة حلوة لولادك أو تعمليها في عزومة، اقري المقال ده وهنقول لك على وصفة حلوة وهي تشيز كيك اللوتس على طريقة الشيف سالي فؤاد.
مقادير تشيز كيك اللوتس
- 300 جم من بسكوت اللوتس المطحون.
- 125 جم زبدة سائلة.
- 500 جم جبنة مكعبات.
- 100 جم سكر بودرة.
- 300 جم زبدة اللوتس.
- 1 معلقة صغيرة فانيليا سايلة.
- 200 جم من كريمة الحلويات.
للزينة
- 100 جم كريمة حلويات.
- 2 معلقة كبيرة سكر بودرة.
- 250 جم زبدة لوتس.
- بسكوت لوتس.
طريقة عمل تشيز كيك بارد بالشوكولاتة
- هاتي محضر الطعام وحطي فيه بسكويت اللوتس واطحنيه كويس جدًا لحد ما يبقى ناعم جدًا.
- هاتي طبق وحطي فيه البسكوت المطحون وعليه الزبدة السايلة وامزجي المكونين مع بعض كويس.
- هاتي صينية التشيز كيك وفردي فيها المزيج عشان تشكلي قاعدة التشيز كيك.
- هاتي محضر الطعام وحطي فيه باقي المكونات واخلطيها كويس أوي مع بعض.
- بعض ما حضرتي حشوة الكريم تشيز في محضر الطعام حطيها في صينية التشيز كيك على قاعدة البسكوت.
- دخلي صينية التشيز كيك في التلاجة لفترة لا تقل عن 3 أو 5 ساعات.
هنا ممكن تعملي طريقة عمل كيك التفاح بالقرفة
طريقة عمل صوص تشيز كيك اللوتس
- ارفعي على النار الهادية مكونات الصوص وهي كريمة الحلويات مع زبدة اللوتس والسكر الباودر وقلبي كويس أوي لحد ما توصلي لقوام متجانس.
- سيبي الصوص يبرد وادهنيه على وش التشيز كيك.
- هاتش يوية من بسكوت اللوتس واخلطيه لحد مال يتحول لفتافيت وحطيه على الوش للزينة.
قولي لنا جربتي وصفة تشيز كيك اللوتس قبل كده ولا لأ وبألف هنا وشفا 🙂
هنا ممكن تشفي 5 وصفات بالبطاطا هتدفيكي في الشتاء
التعليق باستخدام حساب فيس بوك