البارفيه أو حلى الزبادي هو حلى سهل وسريع .. البارفيه عبارة عن طبقات من الزبادي مع الفواكه الطازة أو المجففة أو حتى المجمدة متحلية بالعسل أو بدون عسل. ممكن تضيفي لها كمان أي نوع من أنواع الشوفان أو الجرانولا أو حتى الكوكيز المفتفتة أو أي نوع بسكوت تحبيه وتشكّليها في شكل طبقات في كوبايات أو كاسات وده بيكون الشكل التقليدي للبارفيه.
النهارده اختارنا لك حلى الزبادي بالخوخ والموز لأنهم من الفواكه المتوفرة في الأسواق بشكل كبير وكمان طعمهم بيكون لذيذ جدًا تقدري تاكليه كفطار أو عشا أو حتى سناك صحي بين الوجبات.
مقادير بارفيه الزبادي
- 2 كوب زبادي كامل الدسم (ممكن تستخدمي خالي الدسم أو الزبادي اليوناني)
- 1 معلقة كبيرة عسل أبيض
- 1 ثمرة خوخ
- 1 ثمرة موز
- لوز محمص للوجه
- رشة قرفة
- 3 معلقة كبيرة شوفان أو جرانولا
“ممكن تشوفي هنا .. طريقة عمل الأرز باللبن لطفلك الدارج “
طريقة بارفيه الزبادي:
- رصي طبقات من الزبادي والعسل والشوفان في كوباية شفافة.
- رشي شوية قرفة علي الوش.
- ضيفي قطع الموز والخوخ.
- عيدي الطبقات تاني لحد نهاية الكوب.
- زيني الوش باللوز المحمص وقدميه علي طول علشات الشوفان أو الجرانولا تحافظ علي قرمشتها.
What’s your Reaction?
التعليق باستخدام حساب فيس بوك