طريقة عمل خبز التوست

التوست مش بس عيش، هو حل سحري لوصفات كتير، والأطفال والكبار بيحبوه، حتى في الدايت بناكله بني أو بحبوب كاملة، فلو انتي من الناس اللي بتستخدم توست كتير، فطريقة عمله في البيت لطيفة ومش صعبة، ده غير ريحة الخبز اللي هتشهيكي وهتشجع أطفالك ياكلوا، يلا نشوف مكونات وطريقة عمل التوست:

المقادير

1. 4 كوب دقيق منخول.
2. 2 ملعقة صغيرة ملح.
3. 1 ملعقة زبدة دايبة أو سمنة نباتية.
4. 1 ملعقة كبيرة خميرة فورية.
5. 1 ملعقة كبيرة بيكنج باودر.
6. 1 ملعقة صغيرة سكر.

طريقة عمل خبز التوست

1. اخلطي المكونات الجافة في طبق كبير مناسب للعجن.
2. ضيفي 1/3 كمية الدقيق في العجانة.
3. ضيفي نص كمية المياه مع الزيدة أو السمنة، واخلطيهم كويس.
4. يضاف الدقيق المتبقي تدريجيا مع باقي الماء لحد نحصل على عجينة طرية.
5. نعجنها لمدة 7 دقايق على الأقل في العجانة، ولو العجن بالإيد اعجنيها بمدة 20 دقيقة.
6. ندهن إناء تاني بشوية زيت، ونحط فيه العجين في النص، ونغطيه بفوطة مطبخ أو نايلون تغليف.
7. نسيبها في مكان دافي عشان تخمر لمدة ساعة ونص لساعتين.
8. نرش دقيق على السطح اللي هنشتغل عليه، ونحط عليه العجينة لما نلاقي إن حجمها اتضاعف، ونعجنها لمدة 5 دقايق.
9. نفرد العجينة على شكل مستطيل على قد قالب خبز التوست.
10. نلف العجينة على شكل رول.
11. ندهن القالب بسمنة أو زبدة، ونحط العجين اللي على شكل رول في النص، ونسيبه كمان ساعة يخمر تاني.
12. اخبزيه هو مكشوف في فرن حار لمدة 30-40 دقيقة.
13. يخرج القالب من الفرن ويترك لمدة خمس دقائق، وبعدين نطلع الرغيف من القالب وحطيه على شبك معدني لحد ما يبرد.
14. ممكن تقطعيه كله بعد ما يبرد، وتشيليه متقطع زي التوست الجاهز، وممكن تسيبيه على بعضه وتقطعي منه لما تحتاجي.

وصحتين وألف هنا على قلبك.

ودي طريقة عمل البسبوسة الرهيبة: هتعمليها وهتبطلي تشتريها

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.