خبز الشاورما بيدي مذاق مختلف خالص للشاورما ولو اتعمل صح في البيت وضيفتي مع الشاورما التحابيش الخاصة في العيش هيبقى زي بتاع المحلات بالظبط. وخبز الشاورما ممكن تستخدميه مع أنواع تانية كتير من الأكل غير الشاورما زي ميكس الجبن والفلافل والكفتة. وفي الموضوع ده هنقول لك على وصفة سهلة وسريعة لخبز الشاورما.
طريقة عمل خبز الشاورما في البيت
المقادير
- 6 كوب دقيق أبيض.
- 2 معلقة صغيرة من السكر.
- معلقة صغيرة من الملح.
- 3 معالق من الخميرة.
- 2 كوب من المياه الدافية.
- تلت كوب من زيت الزيتون.
طريقة التحضير
- اخلطي كوب من الميه الدافية مع السكر وقلبي كويس.
- ضيفي الخميرة وقلبي كويس وغطي الخليط وسيبيه لحد ما يتضاعف حجمه.
- حطي المكونات الجافة مع بعض الدقيق والملح وقلبيهم كويس.
- ضيفي خليط الخميرة مع الدقيق وضيفي كوب تاني من الميه الدافية.
- اخلطي المكونات مع بعض كويس وبعدين اعجني كويس مع بعض لحد ما توصلي لقوام متماسك.
- اقسمي العجينة بعد ما تعجنيها كور وسيبيها ترتاح لمدة مش أقل من ساعتين.
- افردي كل كورة منهم كويس وحطيهم في صينية مدهونة بالزيت.
- سخني الفرن على درجة حرارة 180 مئوية وحطي الصينية فيه لحد ما العيش يبقى لونه دهبي.
- طلعي العيش من الفرن وحطيه على صينية وغطيه بفوطة قطن خفيفة علشان ميبقاش ناشف.
ازاي تعملي ساندوتش الشاورما زي بتاع المحلات بالضبط؟
- بعد ما عرفنا طريقة عمل خبز الشاورما في البيت لازم تعرفي الأول طريقة عمل شاورما الفراخ وشاورما اللحم زي المحلات بضبط وهنا هتعرفي طريقة عمل شاورما الفراخ وهنا هتعرفي طريقة عمل شاورما اللحم بالطحينة.
- بعد ما تعملي العيش بالطريقة اللي ذكرناها فوق افردي صوص التومية على العيش أو الطحينة وممكن تعرفي طريقة عمل سلطة الطحينة من هنا.
- ضيفي الخيار المخلل على التومية أو الطحينة وممكن تزودي قطع طماطم مخللة صغيرة.
- ضيفي الشاورما في النصف ولفي العيش كويس أوي.
- سخني جريل مضلعة فيها زيت وضيفي عليها الساندوتش وحمصيه على كل جانب.
- عشان يبقى زي المحلات بضبط يفضل تجيبي ماكينة صنع السندوتشات واكبسي الساندوتش فيها وبألف هنا وشفا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك