أول مرة سمعت عن سلطة الراهب كنت في مطعم لبناني، وكان عندي فضول اجربها، وجربتها وطلعت شبه البابا غنوج بس بشكل صحي شوية. فسألت أحد الشيفات في المطعم، وحكالي أصل حكاية سلطة الراهب. وقال لي على الطرق المختلفة اللي ممكن تتعمل بيها.. اقري الموضوع ده عشان تعرفي الوصفة وأصل كلمة سلطة الراهب
هنا كمان ممكن تشوفي دريسينج وصوص سلطات ممكن يتعمل في 10 دقايق
أصل تسمية سلطة الراهب
سلطة الراهب من السلطات اللبنانية المشهورة وبترجع أصل اسمها لراهب كبير ومحبوب بين الناس اسمه غنوج وكان بيعمل السلطة دي واتسمت على اسمه وفيه ناس بتقول عليه بابا غنوج. فمن الأخر سلطة الراهب هي هي البابا غنوج بس كل شيف وطريقته D: .. والمكون الأساسي في السلطة دي هو طبعًا الباذنجان.
هنا ممكن تشوفي 5 طرق لعمل سلطة التونة
المقادير
- ٢ باذنجان كبار
- ١ حبة فلفل أخضر
- ١ حبة فلفل أحمر
- عصير ٢ ليمونة
- بصلة مقطعة صغير
- زيت زيتون
- رمان
لانش بوكس الأم العاملة: 5 سندوتشات غير تقليدية هتبسطك
طريقة عمل سلطة الراهب
- اشوي الباذنجان في الفرن أو على البوتاجاز وما تحطيش زيت خالص عشان يبقى خفيف وصحي.
- استني لما الباذنجان يبرد وطلعي القلب وحطيه في طبق كبير واهرسيه
- حطي عليهم الفلفل الألوان والبصل
- ضيفي عصير الليمون ورشة زيت زيتون ورشة بسيطة من الملح والفلفل
- قلبي كويس وضيفي الرمان على الوش للزينة
دخلي السلطة التلاجة وقدميها باردة، السلطة صحية وطعمها لذيذ ومش بتاخد وقت في التحضير وكمان سعراتها الحرارية قليلة نسبيًا، ممكن كمان لو مش بتعملي دايت تزودي عليها طحينة وشوية صنوبر مشوي على الوش وبأف هنا وشفا.
جوزة الطيب .. فوائد تستاهل الدوشة اللي معمولة عليها
التعليق باستخدام حساب فيس بوك