تقدروا تقولوا إن سلطة الطحينة، من السلطات الشهية والسهلة وتغميسة وسبريد للسندويتشات.. عاملة زي الجوكر بتدخل في حاجات كتير قوي في أكلنا الشرقي سموها زي ما تسموها.. النهاردة جيبنالكم طريقة عمل سلطة الطحينة طبق المقبلات الأكتر شعبية عالسفرة المصرية جنب سمك أو مشويات أو حتى مع الطعمية الصبح عالفطار.
مقادير سلطة الطحينة
½ كوب طحينة خام
½ كوب أو أكتر ماء
2 معلقة كبيرة خل أبيض
2 معلقة كبيرة عصير ليمون
¼ معلقة شطة بودرة (اختياري)
½ معلقة صغيرة ملح
¼ معلقة صغيرة فلفل إسود
½ معلقة صغيرة كمون
1 فص توم مفروم ناعم جدًا
زيت زيتون شبت للتقديم
طريقة عمل سلطة الطحينة
-ضيفي المية على الطحينه الخام وقلبي كويس وزودي كمية المية لو احتاجتي لحد متوصلي لقوام الطحينة اللي تحبيه يفضل يكون متوسط لا سميك ولا سايل.
-ضيفي الخل الأبيض وعصير الليمون وقلبي كويس.
-ضيفي باقي التوابل والتوم وقلبهم كويس وزيني الوش بزيت الزيتون والشبت المفروم و قدميها.
ممكن تجربي هنا مصفوفة البطاطس والدجاج
التعليق باستخدام حساب فيس بوك