بعد ما بقيت أم، ابتديت ادور على أكلات سريعة ومش بتاخد وقت ولا فرهدة في التحضير. وفي نفس الوقت، مغذية عشان صحة الولاد. ومن الأكلات النينجا دي هي سمك السلمون اللي بيعتبر مصدر مهم جدًا للأوميجا ٢ ومضادات الأكسدة والبروتين. وعشان كل الفوايد دي ممكن تقدميه كمان للبيبي من بعد الست شهور بس بعد استشارة دكتور الأطفال. وفي الموضوع ده، هنقدم لك طريقة عمل سمك السلمون بـ ٣ وصفات سهلة وسريعة وبنتمنى تعجبك.
وصفة السلمون بصوص الزبدة
مقادير السلمون بصوص الزبدة
- ٤ قطع سلمون شرايح
- ٣ فصوص توم مفروم
- عصير ٣ ليمون
- ربع كوب عسل
- نص كوب صويا صوص فاتح
- رشة سماق
- رشة زعتر فريش
- رشة بابريكا
- ملح وفلفل
- ٤ معالق كبيرة زبدة
طريقة عمل سمك السلمون بصوص الزبدة
- اغسلي السلمون كويس ونشفيه.
- سيحي الزبدة على النار وحطي فصوص التوم المهروس وشوحيهم مع بعض.
- سيبي الزبدة والتوم يبردوا وضيفي كل المكونات الباقية وقلبي كويس.
- حطي سمك السلمون في ورق زبدة وحطي عليه المزيج وغطيه بفويل أو كيس حراري ودخليه الفرن حوالي تلت ساعة.
طريقة عمل طاجن السي فود في البيت
وصفة السلمون المشوي
مقادير السلمون المشوي
- كيلو شرايح سمك سلمون
- زبدة
- ملح وفلفل
- عصير ٣ ليمون كبار
- ٢ فص توم مهروس
- ٢ معلقة كبيرة عسل
- ٢ معلقة كبيرة مستردة
طريقة عمل سمك السلمون المشوي
- اغسلي السلمون وتبليه بملح وفلفل.
- شوحي كل جانب على النار مع شوية زبدة.
- حطي مع الليمون التوم والعسل والمستردة وقلبي كويس.
- ضيفي المزيج السابق للسلمون زقدمي معاه رز أبيض وهليون.
اعرفي كمان فوائد زيت السمك من هنا
وصفة السلمون بصوص الترياكي
مقادير السلمون بصوص الترياكي
- كيلو شرايح سلمون
- ملح وفلفل
- ٣ معالق كبيرة صويا صوص فاتح
- ٣ معالق كبيرة صوص الترياكي
- ٣ فصوص توم مفروم
- نص معلقة جنزبيل بودرة
- معلقة كبيرة خل
- معلقتين كبار سكر بني
طريقة عمل سمك السلمون بصوص الترياكي
- اغسلي السلمون وتبليه بملح وفلفل.
- امزجي الصويا صوص والترياكي والتوم والجنزبيل والسكر كويس لحد ما يتجانسوا مع بعض.
- حطي السلمون على ورق زبدة وضيفي الصوص ودخليه الفرن لمدة ربع ساعة.
نصايح عند طبخ سمك السلمون
- تبلي السلمون وهو جاف بملح وفلفل وسيبيه في التتبيلة حوالي ساعة، بعد ما تتبليه اغسليه بمياه، ونشفيه كويس بورق المطبخ.
- لما تشوحي السمك في الطاسة حطي السمك من جهة الجلد أولًا.
- شوحي السمك من كل جهة لمدة ما تزيدش عن أربع دقايق على كل ناحية.
بالفيديو: وصفة المكرونة بالجمبري والصوص الكريمي
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك