أول أسبوعين في رمضان خلصوا، وصواني الكنافة اللي جبناها من المحلات خلصت معاها. ودلوقتي آن الأوان تجربي تعملي الكنافة والقطايف في البيت بقى. أما لو كنتي من اللي جربوا بالفعل يعملوا الحلويات في البيت فأكيد جربتي طريقة عمل الشربات بنفسك، فالوقت مش متأخر خالص. احنا حبينا نستنى لما تكوني جربتي تعملي شربات الحلويات وطلع منك مرة تقيل زيادة ومرة خفيف زيادة عشان نيجي لك بقى في اللحظة الحاسمة دي ونقول لك تصالحي عيلتك في النص التاني من رمضان بحلويات وانتي ظابطة شرباتها.
قبل ما نكلمك عن طريقة عمل الشربات، محتاجين نقول لك إن عندنا طرق مختلفة وجديدة لعمل الكنافة والقطايف. عشان تعرفي طرق لعمل الكنافة، ادخلي هنا، وعشان تعرفي طرق لعمل القطايف، ادخلي هنا.
مقادير شربات الحلويات
مكونات الشربات اللي مامتي علمته لي بسيطة قوي:
- سكر
- ميا
- ليمون
- فانيليا
أما كل شيف له إضافاته اللي بيحب يلون بيها الشربات، واللي ممكن توصل لحد كل المكونات دي:
- 2 كوب سكر
- 2 كوب ماء
- 2 معلقة عسل جلوكوز
- 2 معلقة سمن بلدي
- ليمون
- حبهان
- قرفة
- فانيليا
- زعفران
أهم حاجة في أي وصفة تاخدي بالك من كمية الميا لكمية السكر، إنهم يبقوا قد بعض عشان لو زودتي الميا عن السكر هيطلع الشربات خفيف جدًا ولو زودتي السكر، هيطلع تقيل جدًا. فأظبط طريقة إن كمية السكر تكون قد كمية الميا. كمان بافكرك بلاش تزودي الليمون قوي لأن لو حطيتي كمية كبيرة من عصير الليمون الشربات هيكون لاذع وده هيكون طعم غريب في الحلويات.
شوفي هنا طريقة عمل عجينة القطايف في البيت
طريقة عمل شربات الحلويات على طريقة الشيفات
الشيف حسن وحركاته وتكاته بيعرفك طريقة شربات الجلاش
أما هنا فهيعرفك طريقة عمل الشربات للمقليات الشرقية (الحلويات اللي بتتقلي – شربات القطايف وشربات الزلابيا والمشبك)
وهنا الشيف نجلاء الشرشابي بتقول لك طريقة شربات الحلويات الشرقية عمومًا.
وهنا الشيف أميرة شنب هتعرفك طريقة عمل شربات الحلويات لكن بمكونات أكتر شوية.
مستنيينك في التعليقات تقولي لنا جربتي أنهي طريقة ويا ترى ظبطت ولا لا؟ ونتمنى لك انتي وأسرتك أوقات سعيدة مع الحلويات الشرقية اللذيذة.
اعملي لعيلتك مشروب رمضاني حلو تشربوه مع الحلويات. اعرفي إزاي تعملي 7 أنواع مشروبات من هنا.
التعليق باستخدام حساب فيس بوك