من أهم مميزات الفراخ، إن مدة طبخها أقل من مدة طبخ اللحوم الحمراء، وده اللي بيخليها من الأصناف السهلة المفضلة للأمهات، بس بتقابلنا مشكلة الزهق من طريقة طبخها، فالخيارات المعتادة دايمًا يا إما بانيه، أو مشوية في إناء تيفال مع فلفل ألوان وبصل.
علشان كده “راحة بالي” في سلسلة فيديوهات مطبخ في الإنجاز بتقدملك وصفات جديدة ومحببة للأولاد وزي أكل المطاعم وفي نفس الوقت سهلة التحضير وما بتاخدش وقت.
والنهارده الشيف أسماء درويش هتقدم لنا فيديو لوصفة الفراخ المشوية بصوص الباربيكيو والجبنة، بس قبل ما تشوفي الفيديو هنقولك على المقادير:
- ٣ صدور فراخ مخلية.
- ١ معلقة كبيرة عسل أبيض.
- ١/٤ كوب باربيكيو صوص.
- ملح وفلفل حسب الرغبة.
- ٢ معلقة صغيرة بابريكا.
- ٣ معلقة صغيرة بودرة التوم.
- ١/٤ كوب زيت نباتي.
- بصل شرايح.
- فلفل ألوان شرايح.
- ملح وفلفل(على البصل والفلفل)
- ١ كوب جبنة شيدر حمراء مبشورة.
- بيف بيكون مطبوخ.
- أوراق كزبرة خضراء.
ودلوقتي تعالي نشوف فيديو الطريقة:
وبعد ما اتفرجتي على الفيديو، وعجبتك الوصفة وجربتيها، شاركينا برأيك فيها.
وصحتين وهنا.
What’s your Reaction?
التعليق باستخدام حساب فيس بوك