وقت لما بنكون عاملين دايت فيه حاجات كتير بتبقى من الممنوعات وما ينفعش إننا نستخدمها في الدايت عشان ما يبوظش زي العصاير. بعض العصاير بتبقى فيها نسبة عالية من السكر وده طبعًا من أكبر الممنوعات، بس أوقات كتير النفس بتميل ليها عشان كده لازم نفكر في حلول مبتكرة ترضي جميع الأطراف زي العصاير القليلة السعرات الحرارية والأهم من كده إنها تكون طبيعية.. لو إنتي عاملة دايت أو بتهتمي بمراقبة سعراتك أو بتحاولي تاكلي وتشربي صحي، هنقول لك في الموضوع ده على أنواع عصير دايت طبيعي هتحبيهم.
3 وصفات لـ عصائر دايت طبيعية
طريقة عمل عصير دايت طبيعي بالأناناس بالكيوي
طريقة عمل عصير دايت طبيعي
عصر الأناناس والكيوي من العصاير المنعشة جدًا وخصوصًا في فصل الصيف والكيوي والأناناس من الفواكه الغنية جدًا بفيتامين سي اللي بيعزز المناعة وبيقي من الأمراض المختلفة زي أمراض القلب والسرطان وكمان بيعزز من عملية الهضم. الأناناس والكيوي كمان سعراتهم قليلة فهيساعدك في خفض الوزن والحفاظ عليه، بننصحك إنك تشربي العصير ده وكمان تقدميه لولادك لزيادة المناعة.
المقادير
- ربع كوباية أناناس متقطع شرائح صغيرة.
- ربع كوب كيوي متقطع شرائح صغيرة.
- نص كوب من المياه.
- عسل عند الضرورة.
طريقة عمل عصير دايت طبيعي بالأناناس
- ضيفي الكيوي مع الأناناس في الخلاط.
- اخلطي الفاكهة مع بعض وضيفي الميه والعسل عند الضرورة.
طريقة عمل عصير دايت طبيعي بالفراولة
عصير دايت طبيعي بالفراولة
الفراولة من الفاكهة الغنية بالعناصر المهمة زي فيتامين سي ومضادات الأكسدة المفيدة لصحة الجسم وبتقلل من ضغط الدم وبتساعد بشكل كبير في خسارة الوزن. لو نفسك تشربي عصير مفيد وكمان مناسب للدايت بننصحك تشربي عصير الفراولة اللي هنقولك دلوقتي على وصفته.
هنا ممكن تشوفي وصفة سهلة: طريقة عمل مربى الفراولة الدايت
المقادير
- نص كوب من الفراولة المتقطعة صغير.
- ربع كوب زبادي يوناني أو زبادي أو لبن خالي الدسم.
- معلقة عسل.
طريقة عمل عصير دايت طبيعي بالفراولة
- اخلطي كل المكونات السابقة في الخلاط.
- ضيفي العسل عند الضرورة.
طريقة عمل عصير دايت بالجريب فروت والبرتقال
عصير دايت طبيعي
الجريب فروت والبرتقال من الفواكه الغنية بالألياف وفيتامين سي اللي بيساعدوا على الشعور بالامتلاء وبيعززوا من صحة المناعة والجسم، خفض الأنسولين في الجسم، تحسين الهضم والحفاظ على صحة البشرة.. بنرشحلك عصير الجريب فروت والبرتقال لو نفسك في عصير طبيعي مناسب للرجيم.
المقادير
- ثمرة جريب فروت كبيرة الحجم.
- 2 ثمرة عصير برتقال.
- ربع كوب من المياه.
- عسل اختياري للتحلية.
طريقة عمل عصير دايت بالجريب فروت والبرتقال
- هاتي عصارة البرتقال وقطعي الفاكهة نصفين واعصريهم كويس.
- ضيفي شوية ميه صغيرة مع العسل للتحلية.
طريقة عمل البليلة المصرية .. وأهم فوائدها
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك