محتويات المقال
مشروب الفيمتو المركز، حبيب الملايين، وخصوصًا الناس إلgي قضت طفولتها في السعودية أو الكويت، وبعض دول الخليج، أكيد عارفين عصير فيمتو كويس قوي، وبيفكرهم دايمًا برمضان، لإنه دايمًا موجود بشكل أساسي على فطار رمضان. طيب لو حد لسه لحد دلوقتي ما يعرفش إيه هو عصير الفيمتو، أو شافه في السوبر ماركت وسأل نفسه: “هو إيه ده؟ وبيتعمل بيه إيه؟” في المقال ده، هنعرّفكم على الفيمتو وازاي تشربوه بطرق مختلفة ومبتكرة.
عصير فيمتو – المصدر: behance
الفيمتو هو مشروب تم ابتكاره من سنه 1908 في إنجلترا، وبعدها انتشر في دول كتير جدًا، وبقى معروف في أكتر من 80 دولة حول العالم، واشتهر جدًا في المملكة العربية السعودية، ودول عربية تانية كتير، وبقى من المشروبات الأساسية على الفطار في رمضان.
الفيمتو هو مزيج مركز من عصير التوت والعنب والمشمش الأسود وبنكهة الأعشاب والتوابل، طعمه مسكر على مزز، وله نكهة كراميل خفيفة، بصراحة هو فعلًا مميز جدًا. الفيمتو يا جماعة مشروب تقيل ومركز، يعني هو معمول عشان يتخفف زي الشربات كده، سواء بالمياه أو بالصودا. وهنا بقى يبدأ اللعب! النهارده هنقدم لك الفيمتو بـ5 طرق متنوعة وجديدة تستحق التجربة.
طريقة عمل عصير فيمتو بالصودا والليمون
فيمتو بالصودا والليمون – المصدر: localbh
المقادير (تكفي لعمل كوب واحد كبير)
- 3 معالق كبيرة من شراب فيمتو المركز
- 2 شريحة ليمون
- عصير نص ليمونة
- أوراق النعناع
- 1/2 كوب سفن أب أو ماء صودا
- 1/2 كوب ماء بارد
- مكعبات تلج
الطريقة
- في كوب كبير، ضعي مكعبات التلج، شرايح الليمون، وأوراق النعناع.
- ضيفي الفيمتو المركز والصودا والمياه وعصير الليمون وقلبي المكونات كويس، واستمتعي.
عصير فيمتو بالآيس كريم (فيمتو فلوت)
عصير فيمتو بالآيس كريم – المصدر: pinterest
المقادير (تكفي لعمل كوب واحد كبير)
- 3 معالق كبيرة من شراب فيمتو المركز
- 1 بولة أيس كريم فانيليا
- 1 معلقة صغية فانيليا سايلة
- ماء صودا أو سفن أب
- مكعبات تلج
الطريقة
- في كوب كبير ضيفي مكعبات التلج والفيمتو المركز والفانيليا السائلة، وصبي عليهم الصودا.
- ضيفي بولة الأيس كريم على وش الكوباية وقلبي وبالهنا.
سموزي المانجو بالفيمتو
سموزي المانجو بالفيمتو – المصدر: localbh
المقادير
- 3 معالق كبيرة شراب فيمتو المركز (لكل كوب فردي)
- 1 كوب مكعبات المانجو (طازة أو مجمدة)
- 1 موزة مقطعة
- 1/2 كوب ماء بارد
- 3/4 كوب زيادي
- مكعبات تلج
الطريقة
- في الخلاط، ضعي المانجو والموز والزبادي ومكعبات التلج واخلطيهم كويس.
- ضعي في كل كوب 3 معالق من مركز الفيمتو وصبي العصير فوقه.
- يقلب مباشرة قبل الشرب ويقدم.
ادخلي هنا عشان تتعرفي على مشروبات صيفي منعشة وكمان هتزود مناعتك
كوكتيل الفواكه بالفيمتو وحبوب الرمان
كوكتيل الفواكه بالفيمتو – المصدر: youtube
المقادير
- 1 كوب عصير تفاح (أو عصير كوكتيل فواكه)
- 1 كوب ماء غازي
- 1/2 كوب شراب فيمتو المركز
- حبوب الرمان وحبات التوت للتقديم
الطريقة:
- في الخلاط، ضيفي كل المكونات ما عدا التوت والرمان واخلطي.
- ضعي حبوب الرمان واحبات التوت في كاسات التقديم وصبي فوقها العصير وقدميه.
لو بتحبي الرمان، ادخلي هنا عشان تتعرفي على فوايد الرمان الصحية
عصير فيمتو بالشاي المتلج
المقادير:
- 4 باكيت شاي أحمر بنكهات أو بدون
- 2 كوب ماء مغلي
- 3 معالق كبيرة من شراب الفيمتو (لكل كوب فردي)
- 1 كوب ماء مثلج
- مكعبات تلج
الطريقة:
- صبي الماء المغلي على مغلفات الشاي، وغطيها لمدة 10 دقايق، ثم اتركيها تبرد تمامًا.
- في كل كوب فردي، ضعي 3 معالق كبيرة من شراب الفيمتو، وصبي فوقه مزيج الشاي ومكعبات التلج، يقلب ويقدم.
لو انتي من محبي الشاي، ادخلي هنا عشان تعرفي 5 طرق مختلفة لعمل الشاي الأحمر
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك