محتويات المقال
الفطير الشرقي من الأكلات الحلوة اللي كلنا بنحبها عشان تعتبر وجبة سريعة ومنجزة ممكن تاكليها غدا أو عشا أو حتى تصبيرة كده، ويا سلام بقا لو الفطير الشرقي ده محشي سجق بيبقى أحلى وأحلى. فطيرة السجق ممكن تتاكل لوحدها أو تعملي جبمها شوية بطاطس محمرة وسلطة وكولا أو هي لوحدها كفاية أوي تشبعك وتدلعك. وفي المقال ده هنقولك طريقة عمل فطيرة السجق بـ 4 وصفات مختلفة من أيد أشهر شيفات.
طريقة عمل فطيرة السجق للشيف فاطمة أبو حاتي
المقادير
- كيلو دقيق جميع الاستخدامات
- 2 ملعقة كبيرة سكر
- ذرة ملح
- 2 كوب ونصف ماء
- فلفل الوان مقطع مكعبات صغيرة
- زيتون اسود
- سجق مسلوق
- ميكس جبن شيدر ورومي ومونزاريلا
- نص كوب زبدة
- نص كوب زيت
طريقة عمل فطيرة السجق للشيف فاطمة أبو حاتي
- اعجني الدقيق والملح والسكر في العجان وضيفي الميه لغاية ما تلاقي العجينة لمت وطرية واستمري في العجن مش أقل من 10 دقايق لغاية ما تلاقيها بقت ناعمة جدًا.
- في طبق مدهون ابتدي اقسمي العجينة كرات كلها قد بعض وادهنيها بالزيت وغطيهم وسييبهم يرتاحوا نص ساعة.
- اخلطي الزبدة علي الزيت وادهني الرخامة وافردي العجينة لغاية ما تلاقي الرخامة ظهرت من تحت العجين.
- لازم العجينة تكون رقيقة جدًا وابتدي علي بعد 10سم اعملي تقطيعات قصاد بعض من الأطراف وادهني بخليط الزبدة والزيت واحشيها بالحشوة وابتدي اقفلي عليها جيبي كل الجوانب اقفليها قصاد بعض لغاية ما تقفليها كويس جدًا وغطيها ترتاح نص ساعة .
- ابتدي افرد الفطير يااما ترصية علي صواني الومنيوم وحطي على الوش جبن وفلفل وطماطم وزيتون زي وش البيتزا أو سويه علي طاسة علي طاسة سخنة.
هنا ممكن تشوفي طريقة عمل مافن الكيتو بدقيق جوز الهند واللوز
طريقة عمل فطيرة السجق للشيف مروة الشافعي
المقادير
- 4 كوب دقيق.
- كوب من الماء الدافئ.
- معلقة صغيرة ملح.
- ملعقة صغيرة سكر.
- ملعقة كبيرة زيت.
- نصف كيلو سجق بلدي.
- فلفل ألوان مشكل
- بصلة صغيرة مقطعة.
- معلقة صغيرة فلفل الأسود.
- ميكس جبن.
- زيتون.
- بيضتين.
طريقة عمل فطيرة السجق للشيف مروة الشافعي
- حطي الدقيق والملح والسكر وقلبي وبعدين ضيفي الميه واحدة واحدة واعجني كويس لحد ما العجينة تمسك نفسها وبعدين ادهني الطبق زيت وحطي فيه العجينة.
- هاتي طاسة حطي فيها السجق والفلفل الألوان والملح والفلفل وقلبي كويس لحد ما يتسوي.
- افردي العجينة واحشيها واقفليها كويس وحطي على الوش باقي العجين وحطي البيض ودخليه الفرن لمدة نص ساعة لحد ما يستوي.
طريقة عمل فطيرة السجق للشيف الشربيني
المقادير
- 4 كوب دقيق.
- كوب من الماء الدافئ.
- معلقة صغيرة ملح.
- زيت.
- سجق.
- بصل.
- توم.
- فلفل ألوان.
- طماطم.
- ملح وفلفل.
طريقة عمل فطيرة السجق للشيف الشربيني
- اخلطي مكونات العجينة الجافة مع بعض وضيفي الميه واحدة واحدة وافضلي اعجني لحد ما العجينة تبقى متماسكة.
- اقسمي العجينة كور صيغرة وادهنيها بالزيت وغطيها وسيبيها ترتاح شوية.
- سوي السجق في طاسة على النار مع الفلفل الألوان والتوم والبصل والملح والفلفل.
- افردي العجينة واحشيها وشكليها على هيئة فطيرة.
- ادهني الفطير زيت ودخليها الفرن لحد ما تستوي حوالي نص ساعة.
هنا كمان ممكن تشوفي طريقة عمل الكوسة بالبشاميل
طريقة عمل فطيرة السجق الأسكندراني
المقادير
- 3 كوب دقيق.
- معلقة كبيرة سكر.
- شة ملح.
- 1/2 معلقة صغيرة بيكنج بودر.
- بيضة.
- 2 معلقة كبيرة زبادى.
- 3/4 كوباية لبن دافئ.
- بولش الخميرة (معلقة كبيرة خميرة+ معلقة كبيرة سكر+ معلقة كبيرة دقيق +1/4كوباية مياه دافئة).
- جبنة رومى مبشورة.
- سمسم وحبة البركة.
- للوجه (صفار بيضة+معلقة كبيرة لبن+رشة نسكافيه)
- سجق اسكندراني.
- بصلة صغيرة مفرومة.
- 1/2 معلقة صغيرة كسبرة.
- 1/2 معلقة صغيرة فلفل أسود.
- معلقة كبيرة بصل مفروم+ ثوم مفروم.
وعشان تعرفي طريقة عمل فطيرة السجق الأسكندراني، اتفرجي على الفيديو ده من قناة لقمة عيش:
طريقة عمل فطيرة التفاح .. ولا أسهل ولا أسرع من كده
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك