كباب الحلة من الأكلات المنقذة، مش دايمًا هيكون عندنا المقدرة إننا نعمل الكباب المشوي، لإنه بيحتاج مجهود وتجهيزات وتتبيلة معينة، لذلك بعتبر كباب الحلة حل عبقري لإنه من ناحية تغيير وبديل للحمة المسلوقة، ومن ناحية تانية فهي مناسبة جدًا للناس اللي بتحب الطعم الغني واللذيذ، وفي حالة وجود أطفال، بتحتمل دخول خضار في النص زي الجزر المفروم والبطاطس، كل واحد حسب ذوقه، لو ما جربتيش كباب الحلة قبل كده، حابة أقول لك إن الوصفة دي ممتازة جدًا وكمان مظبوطة.
تعرفي على أسماء قطعيات اللحوم .. وما يناسب كل أكلة
مقادير كباب الحلة
- كيلو لحمة مكعبات يفضل تكون موزة أو قطعية كباب لو ضاني.
- 4 بصلات متوسطين جوانح
- فص ثوم
- معلقة صغيرة سمنة
- ملح وفلفل أسود وبهارات
- بطاطس محمرة (اختيارية)
طريقة عمل كباب الحلة
- على النار، هنشوح البصل مع معلقة السمنة، لحد لما يبدأ يصفر. بعدها ننزل باللحم ونقلّبها لما لونها يغير مع البصل للون البني وننزل بالتوابل والتوم.
- نضيف مياه مغلية بحيث تغطي ربع الحلة ونسيبها تستوي على نار هادية نرفعه من على النار.
- هنحط اللحمة في صينية، وفي الوسط قطعة فحم مشتعلة جوا طبق ألومنيوم ونغطي دقايق.
- كده اللحمة بقت جاهزة للتقديم ممكن تزينيها ببقدونس
اقرأي أيضا: منيو إفطار رمضان ..30 أكلة شهية لازم تكون على سفرتك
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك