ومين فينا في مصر ما سمعش عن كبدة البرنس للشيف ناصر؟ أو حتى داق حلاوتها وطعامتها، ومطعمه بقى زيارة بنستناها بفارغ الصبر عشان بس ندوق كبدة البرنس؟ هو حقيقي فعلًا الشيف ناصر برنس بحق وحقيقي ويستحق يبقى ملك على عرش أحلى كبدة فيكي يا مصر … وبما إن عيد اللحمة خلاص على الأبواب، وأكيد هتنزلي تشتري لحمة عشان تحتفلي، ما تنسيش معاها بقى كبدة بلدي حلوة كده عشان هنقول لك على وصفة زي كبدة ناصر البرنس بالظبط.
كلها أيام ونحتفل بعيد الأضحى .. هنا ممكن تشوفي 3 وصفات لعمل فتة العيد
طريقة عمل كبدة البرنس
هنا بقى ممكن تعرفي طريقة عمل سلطة الطحينة
مقادير كبدة البرنس
- كيلو كبدة بلدي
- عدد ٢ بصلة
- ٤ فصوص توم
- ١ حبة طماطم
- ٤ فلفل أخضر
- ليمون
- خل
- زيت
- ملح
- فلفل
- كمون
- بهارات
- شطة
لعشاق الشاورما طريقة عمل شاورما اللحم بالطحينة
طريقة عمل كبدة البرنس
- قطعي الطماطم وواحدة من الفلفل (ويفضل إنه يكون حار) وضيفي ٢ فص توم مفروم وعصير ليمون وملح وفلفل وكمون في الكبة واخلطيهم كويس لحد ما توصلي لقوام متماسك.
- قطعي الكبدة قطع صغيرة وضيفي الزيت في طاسة كبيرة.
- قطعي البصل صغير وضيفي فصين التوم وشوحيهم لحد ما يغير لونهم وضيفي الكبدة وعليهم رشة خل وقلبيهم كويس وبعدين ضيفي الخليط اللي ضربتيه في الكبة.
- هدي النار شوية وسيبي الكبدة تاخد وقتها وتستوي ولو حسيتي إنها محتاجة مياه، زودي حاجة بسيطة.
- قرب ما تستوي ضيفي شرايح فلفل حار أو شرايح فلفل أخضر.
في الآخر، ممكن ترشي عليها شطة، وتعصري عليها ليمون زيادة، وطبعًا ما تنسيش سلطة الطحينة ورغيف العيش البلدي السخن أو ممكن تاكليه في عيش فينو رفيع ومعاه مخللات وبألف هنا 🙂
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك