المخللات هي الحاجة اللي بتفتح نفس الإنسان مننا على الأكل. السلطة وباقي المقبلات طبعًا لها دورها في فتح الشهية لكن يظل طبق المخلل أو زي ما كانوا جدودنا بيسموه “الطرشي” أجمل حاجة حادقة ممكن تزين السفرة جنب أي صنف وتضيف له حلاوة ومذاق. في المقال ده، هنعمل مع بعض مخلل اللفت تحديدًا والميزة في مخلل اللفت إنه طعم اللفت نفسه محايد بشكل كبير. عشان كده لما بتاكليه جنب الأكل ما بيقطعش عليكي بطعمه لكن بس بيضيف للطعم مذاذة وحدوقية. وعشان ما يبقاش اللفت وحيد وباهت، بنحط عليه بنجر يلونه وقرنبيط يتخلل معاه. ياللا ندخل في الموضوع.
طريقة عمل حمص الشام المصري (الحلبسة) في الشتاء
مقادير مخلل اللفت
- لفت
- قرنبيط طازج
- جزر صغير
- فلفل حار
- ثمرة بنجر
- كيس ملح
- مياه
لعشاق المخللات البيتي: طريقة عمل الخيار المخلل
طريقة عمل مخلل اللفت
- هتقطعي اللقت شرايح وتحطي عليه كمية كبيرة من الملح وتسيبيه ليلة كاملة. ده هيكون في برطمان (يفضل زجاجي عشان تفاعل البلاستيك والملح).
- اعملي محلول ملحي (ميا بملح) وضيفيه للبرطمان.
- قطعي البنجر شرايح وضيفيه.
- قطعي القرنبيط وردات صغيرة وضيفيه.
- قطعي الفلفل الحار أصغر مكعبات لإن ده اللي هيديه المذاق الحار بس في نفس الوقت مش عايزينه قطع كبيرة.
- اقفلي البرطمان كويس وسيبيه يستوي.
- من قترة للتانية، رجي البرطمان عشان يتساوى في السوا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك