جرت العادة في كل بيت مصري أصيل في كل موسم نشتري ونخزن فاكهة وخضار الموسم بتاعه، في الصيف نخزن المشمش والمانجو والتين والعنب وورق العنب، وفي فصل الشتاء بنخزن الفراولة والبسلة والجزر والتوم ونفرزهم عشان يطبخوا أو يتعمل بيهم مربى. ومن أشهر أنواع المربى اللي بتتعمل بيتي وبتبقى مغذية وأحلى من بتاعة بره هي مربى الفواكه المختلفة. وعلشان كده في الموضوع ده هنقول لك على طريقة مربى المشمش بطريقة سهلة زي الجاهزة بالظبط وأحلى كمان.
مقادير مربى المشمش
- كيلو مشمش.
- نص كيلو من السكر.
- عصير ليمون.
طريقة عمل مربى المشمش
- اغسلي المشمش كويس وطلعي منه النوى وقطعيه أنصاص.
- هاتي حلة غويطة وحطي فيها المشمش وعليها السكر وعصير الليمون وقلبي كله مع بعض كويس وسيبيه ليلة كاملة.
- حطي الحلة على النار وسيبيهم يغلوا وبعدين وطي عليهم وسيبي الخليط لمدة ربع ساعة تقريبًا.
- شيلي الرغوة اللي بتظهر على سطح المربى وسيبيها تبرد خالص.
- حطي المربى في برطمانات نظيفة ومعقمة وشيليها في التلاجة أو الفريزر.
السمن ولا الزبدة .. السمن النباتي ولا الحيواني .. اعرفي الفرق
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك