كل الناس وخصوصًا الأطفال بيحبوا العصاير في فصل الصيف عشان بترطب على قلبهم وحل سهل وسريع لمواجهة الحر، ومن ضمن العصاير اللي بيحبوها ميلك شيك الأوريو اللي بيتعمل من اللبن وممكن يبقى سناك سريع تعمليه لو ولادك مش بيحبوا يشربوا اللبن.. كافيهات ومطاعم كتير بتعمل ميلك شيك الأوريو بس ممكن يبقى سعره غالي شوية، عشان كده هنقولك على وصفة سهلة وكملن غير مكلفة تعمليها لميلك شيك الأوريو بكل سهولة في البيت.
طريقة عمل الميلك شيك بالأوريو
طريقة عمل الفشار بالكاراميل في البيت ولادك هيحبوه
المقادير:
- 8- 10 قطع من بسكويت أوريو.
- كوب ونص من اللبن البارد.
إختياري:
- ثلج مجروش.
- آيس كريم بنكهة الفانيليا.
- صوص شوكولاتة لتزيين الكوب.
- كريمة خفق للتزيين.
الطريقة:
- فتفتي بسكويت الأوريو لقطع صغيرة واحتفظي بمعلقتين من البسكويت اللي كسرتيه عشان تزيني بيه الأكواب.
- في الخلاط حطي اللبن ومعلقتين من الآيس كريم الفانيليا أو الثلج المجروش لو معندكيش آيس كريم وزودي عليهم بسكويت الأوريو واخفقيهم مع بعض كويس لحد ما تحصلي على قوام متجانس.
- هاتي كوبيات شفافة وزينيها بصوص الشوكولاتة من جوه وحطي الميلك شيك وسيبي مكان متمليش الكوب لحد الآخر.
- ضيفي الكريمة المخفوقة على الوش وزينيها من فوق شوية من بسكوت الأوريو المفتت وشوية صوص شوكولاتة.
طريقة عمل تشيز كيك بارد بالشوكولاتة
لو عايزة كمان تتفرجي على طريقة عمل الميلك شيك بالأوريو اتفرجي على الفيديو ده والشيف فاطمة أبو حاتي هتعرفك على طريقة ومقادير مختلفة لعمله
بنتمنى إن طريقة الميلك شيك بالأوريو تكون عجبتك وألف هنا على قلبك 🙂
طريقة عمل فرابتشينو الكراميل في البيت
التعليق باستخدام حساب فيس بوك