من قبل ما نكون أمهات، وإحنا بنحلم ونخطط إن النظام الغذائي لأسرتنا الصغيرة هيكون صحي، وهنأكل أطفالنا خضار وخضروات وفواكه طول الوقت، وهنمنعهم من الأطعمة غير الصحية، بس الواقع بيخيب آمالنا، بنلاقي الطفل بيرمي الكوسة من بؤه، وبيفعص الخضار في السجاد، وبنفضل نسأل على جروبات الأمهات، هو ابني كده عادي وطبيعي؟
الحقيقة إن آه هو طبيعي، بس إنتي عاوزه تحققي لسا حلمك بتاع الأكل الصحي، وعلشان ده حلم كل الأمهات، “راحة بالي” بتقدملك فيديوهات لوصفات مبتكرة وصحية للأطفال، مستحيل يرفضوها من طعامتها، والنهارده هنقدملك وصفة حبات البطاطس والبروكلي على طريقة الشيف أسماء درويش:
المقادير:
- ٢ كوب بطاطس مسلوقة ومهروسة.
- ١ كوب زهرات بروكلي مسلوقة أو مستوية على البخار.
- ١ معلقة صغيرة بودرة توم.
- ملح وفلفل أسود (أو بدون ملح لو عمر طفلك أقل من سنة).
- ١ بيضة.
- ١ معلقة كبيرة جبنة بارميزان مبشورة.
- ١ معلقة كبيرة دقيق شوفان ( أو أكتر حسب الحاجة).
- زيت زيتون للتحمير.
اتفرجي على الفيديو علشان تعرفي الطريقة:
بالفيديو: طريقة عمل شوربة قرع العسل لطفلك بمياه فارماباك النقية
وصحتين وألف هنا.
What’s your Reaction?
التعليق باستخدام حساب فيس بوك