زيها زي أي حاجة، لفة الطرحة أو لفة الحجاب لازم تكون لايقة على وشك. شكل الوجه بيختلف وعشان كده مش كل لفة حجاب هتكون لايقة على كل الناس. هنا ييجي دور المقال ده اللي هيقول لك بالشرح وبالفيديو طريقة لف الطرح الأنسب لشكل وجهك.
ازاي تعرفي شكل وشك؟
عشان نعرف إيه لفة الحجاب المناسبة لشكل الوجه، لازم نعرف شكل الوجه الأول! مفهوم ومعروف. تعالي نشوف بقى ازاي تعرفي في 3 خطوات.
- في المراية، حددي أعرض مكان في الوش. عادة بيكون الخط اللي بين الودنين. بعدها، حددي أطول مكان في الوش. عادة بيكون الخط الواصل من مفرق الشعر لنص الدقن ومعدي على منتصف الأنف.
- اعرفي شكل الدقن / خط الفك السفلي. لو من عضمة الفك لحد منتصف الدقن قصير وأطرافه مدور (مش حادة)، يبقى غالبًا الوش مدور أو بيضاوي. لو النقطة اللي في نص الدقن واضحة ومحددة بس عضمة الفك مش باينة قوي، يبقى الوش قلب أو مثلث. لو العضمتين واضحين وبارزين يبقى الوش مربع أو طويل. اللي يحدد الاختيارات دي الخطوة التالتة.
- قارني طول الخطين ببعض، واستخدمي شكل الدقن في التحديد. يعني لو الخطين نفس الطول ومن غير عضمات بارزة يبقى الوش مدور. لكن لو الطول أكبر من العرض يبقى الوش بيضاوي. لو الخطين نفس الطول والدقن بس اللي بارزة مش الفك يبقى الوش قلب. إنما لو الطول أكبر من العرض يبقى مثلث. ولو الخطين نفس الطول والعضمتين بارزين يبقى الوش مربع. أما لو الطول أكبر من العرض، يبقى الوش طويل.
طريقة اختيار نضّارة شمس حسب شكل وجهك
طريقة لف الحجاب حسب شكل الوجه
أما الفيديو ده، فهيبين لك ازاي تعملي لفة واحدة لكل شكل من أشكال الوجه.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك