كأمهات، بنلاقي إن أطفالنا فجأة اتغيروا، وبقوا يعملوا تصرفات غريبة واحنا مش فاهمين هما بيعملوا كده ليه. وبنبدأ نلوم نفسنا ونحس بالتقصير معاهم، وبندخل في دوامة لوم للنفس. لكن الحقيقة إن دي بتكون طفرات نمو الأطفال، والتغير ده مش بسبب حاجة غلط إحنا عملناها ولا حاجة. وفي المقال ده، هنتكلم عن طفرة نمو الأطفال الرضع في السنة الأولى وعلاقتها بمقاومة النوم عند الأطفال.
أعراض طفرة نمو الأطفال الرضع
هتلاحظي إن فيه أعراض معينة بدأت تظهر على طفلك زي:
- لما يكتسب المزيد من الوزن أو الطول أو يزيد محيط الرأس عنده بشكل أسرع من المعتاد.
- يتقن أخيرًا وللمرة الأولى مهارة كان بيتدرب عليها لفترة.
- لما يتم أحد مراحل النمو بالكامل.
تطور الطفل في العام الأول شهر بشهر
طفرات النمو عند الأطفال بما يخص النوم
ممكن يبدأ الطفل ينام لفترات أطول أو أقصر بكتير من المعتاد، وبشكل مفاجيء، وغالبًا ده بيحصل قبل أو أثناء حدوث الطفرة، ودي طبيعة التغيرات اللي هتحصل في النوم:
الطفل المحب للنوم
- أكتر حبًا للنوم والقيلولة أثناء النهار.
- أقل قابلية للاستيقاظ بالليل.
والسبب في ده إن طاقة الطفل الداخلية بيتم استنزافها في التركيز على نمو الطفل، وهتلاقي إن عدد ساعات نوم الطفل بتزيد في الفترة دي، لحد ما توصل لأربع ساعات زيادة عن ساعات نومه الأصلية.
الطفل الكاره للنوم
- أقل رغبة في النوم، وبيقل الوقت اللي بينامه في القيلولة.
- أكتر قابلية للاستيقاظ بالليل ولمرات كتيرة.
هنا ممكن تشوفي علاج القيء عند الأطفال .. أعمل إيه لو ابني الدارج رجع
إمتى بتحصل طفرة نمو الأطفال الرضع؟
بيمر الطفل بطفرات نمو في أي مرحلة عمرية، لكن الخبراء اتفقوا إنها عادة بتحصل في المراحل دي:
- طفرة النمو عند بلوغ أسبوعين من عمر الرضيع.
- طفرة النمو عند بلوغ 3 أسابيع من عمر الطفل.
- طفرة النمو عند بلوغ 6 أسابيع من عمر طفلك.
- طفرة النمو عند بلوغ 3 أشهر من عمر طفلك.
- طفرة النمو عند بلوغ 6 أشهر من عمر طفلك.
بتستمر قد إيه طفرة نمو الأطفال الرضع؟
- في الأطفال الرضع مدة 1-2 يوم.
- في الأطفال الأكبر ممكن تستمر أسبوع كامل.
أعمل إيه لما طفلي يمر بطفرة نمو؟
- تلبية حاجات الطفل المستجدة من حليب إضافي، أو الرغبة في أخذ قيلولة صباحية على غير العادة أو الحاجة للأحضان المستمرة.
- الحرص على تناول الأم كفايتها من الوجبات الغذائية وتنال سوائل كتير في الفترة دي، مع الاضطرار للتكيف مع فترات الرضاعة مع رضيعها واللي هتبقى أطول.
- إعطاء الرضيع ببرونة إضافية من الحليب إذا كان الطفل بيشرب الحليب الصناعي.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
webteb.com
التعليق باستخدام حساب فيس بوك