محتويات المقال
المهتمين ببرج الثور هيلاقوا دايمًا كلام كتير عن صفات امرأة برج الثور، أو صفات رجل البرج، وده بيسهل جدًا التعامل معاهم. إنما غالبًا مش هتلاقي حاجة توصف لك ازاي تتعاملي مع طفل برج الثور.
أحسن ألعاب لطفل برج الثور
البازل، الألعاب الإلكترونية، والكتب. أطفال برج الثور بيحبوا يستكشفوا العالم والحاجات دي بتسهل عليم المهمة. الكتب بتدي الأطفال دي الكلمات اللي يعبروا بيها عن المشاعر اللي صعب عليهم يوصفوها.
أحسن أنشطة بيفضلها طفل برج الثور
كونه حبّوب واجتماعي، بيحب التجمعات سواء في حوش المدرسة أو في بيت أصحابه. كمان بيحب الفنون قوي فأي حاجة ملونّة وفنية، هينجذب لها.
ازاي تتعاملي معاهم؟
كون طفلة برج الثور مثابرة ومجتهدة من صغرها، هتفضل تجرب في الحاجة كذا مرة لحد ما تعرف تعملها، وهنا دورك هو الصبر والبعد عن كلام زي “ما انتي جربتيها قبل كده وما نفعتش” والبعد عن محاولة المساعدة، هي عايزة تجرب بنفسها كذا مرة لحد ما تقدر.
لما تلاقيكي بتضحكي على حاجة بتعمليها، هتفتكرك إنك بتسخري منها مش بتضحكي تشجيع، فخدي بالك من النقطة دي.
مراهق برج الثور
الحاجات اللي بيحبها مراهق برج الثور:
الروتين: إنه يبقى عارف إيه هيحصل امتى وإنه يشترك في حاجات بتفضل ثابتة وتحصل سنة ورا سنة بيحقق له شعور بالاستقرار.
الاستقلالية: اتفرجي من بعيد وهي بتعمل أي حاجة وما تدخليش أو تساعدي إلا لو طلبت منك ده.
الحاجات اللي بيكرهها مراهق برج الثور:
الاختلاط بالإكراه: بلاش تغصبيه على صحوبية ناس أو أي حاجة. هم بيحبوا يعملوا أصحاب بشروطهم هم.
التغيير: اوعي تعملي مفاجآت لمراهقة برج الثور إنك تغيري لها شكل الأوضة، أو لون الحيطة أو أي حاجة تانية.
الدراما: ولا تحب النميمة ولا القلق ولا الأفورة في أي حاجة.
مصدر ساعدنا في كتابة المقال
Horoscope
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك