محتويات المقال
طفل برج الحمل (21 مارس – 16 أبريل) عاطفي ومستقل وعمره ما هيعمل حاجة لمجرد إنك قلتي له يعملها، أو عشان كل الناس بتعملها. بيحب المنافسة جدًا ولو عايزة تحمسيه إنه يعمل حاجة، حطيه في منافسة مع حد فيها، هيعملها بسرعة وعلى أكمل وجه. تعالي نشوف ازاي تتعاملي مع طفل برج الحمل سواء ولد أو بنت في المقال ده.
ازاي تتعاملي مع طفل برج الحمل؟
طفل برج الحمل اجتماعي وفضولي وذكي، وقائد جدًا، هتلاحظي الأخيرة دي في الحضانة وحتى في التجمعات العائلية اللي فيها أطفال غيره، هتلاقيه هو الزعيم اللي بيقول مين يعمل إيه ومين يقف فين. بيعرف ياخد قرار سريع لو خيرتيه في حاجة تشتروها، أو حاجة يلبسها أو كتاب تقريه له. دايمًا عنده طاقة وما بيخافش. وعليه، لازم دايمًا تدي له مساحة اختيار وتدمجيه في مجموعات وانتي متطمنة، وبمرور الوقت، اديه مساحة أكبر للقيادة لإنه شخصية قيادية زي ما قلنا.
خلي طاقتك عالية
كونه طفل نشيط وحركي، هيحتاج منك انتي والأب مجهود بدني في الجري معاه وحواليه واللعب معاه. لو مش قادرة تجاريه، ممكن على الأقل تبيني له حماسك وتشجيعك.
حطيهم في تحدي
زي ما قلنا، من مواصفات طفل برج الحمل إنه تنافسي لأبعد الحدود، وعشان كده كونك تحطيه دايمًا في تحدي أو منافسة.
غيرة الإخوات من بعض .. طرق علاجها
أحسن أنشطة لطفل برج الحمل
طفل برج الحمل معروف بنشاطه الجسدي، وعشان كده، اشتراكه في رياضة مهم جدًا لإنها هتساعده يطلع طاقته وكمان هيتميز فيها. كمان بيحبوا قوي الأنشطة الذهنية زي البازل وغيره.
أحسن ألعاب لطفل برج الحمل
- البازل
- العجلة
- الكورة
أكتر حاجات بيحبها وبيكرهها
أكتر حاجات بيحبها: المسؤولية (يكون مسؤول عن حاجة) – التجربة (بيحب يجرب حتى لو هيفشل) – الاحترام (بيحب يحس إن اللي حواليه بيحترموه).
أكتر حاجات بيكرهها: السخرية – الكذب أو عدم الصراحة – الممنوعات.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك