محتويات المقال
مواصفات طفل برج الدلو إنهم أذكياء وخياليين وبيحبوا القراءة والفن من سن صغير. بيحبوا يكونوا اجتماعيين وبيتبسطوا إنهم يتعرفوا على أطفال تانية. اعرفي مميزات وعيوب برج الدلو للرجال من هنا وللستات من هنا.
أفضل أنشطة لطفل برج الدلو
- القراية
- التلوين
- الرسم
- اللعب بالصلصال
- اللعب في الحدائق ومساحات الألعاب المشتركة
أحسن لعب لطفل البرج الدلو
- أزياء التنكر
- صلصال
- ألوان وكراسة رسم
- آلات موسيقية
ازاي تتعاملي مع طفل برج الدلو
هتحسي ساعات إنك بتتعاملي مع شخص كبير ومحترم عشان كده هتحسي معظم الوقت إنك مش محتاجة مع طفل برج الدلو إلا توجيه بسيط. بس خدي بالك، طفل برج الدلو على إنه يبان كده، إلا إنه ما بيتكلمش عن مخاوفه خالص، وبتبقى عنده ساعات مخاوف بتوصل لأزمات وجودية عن العالم وهم فين فيه. عشان كده، جميل إنك يكون لك دايمًا وقت مخصوص عشان تتكلمي فيه مع طفلك الدلو عشان كل ما تتكلموا أكتر، كل ما هيتطمن إنه يحكي لك عن أفكاره.
مع إن طفل برج الدلو اجتماعي زي ما قلنا، وهيتبسط جدًا بالوقت اللي بيقضيه في المدرسة أو الحضانة أو مع اخواته، إلا إنه هيحب وقتكم سوا انتي وهو أو هو وباباه لوحدكم جدًا. شجعي فضوله وأسئلته واكتشافاته. وفكريه دايمًا إنك بتحبيه مهما كان مستواه الدراسي أو هواياته. اسمعيه، واسمحي له ياخد قرارات.
كوني اجتماعية انتي كمان. طفل برج الدلو اجتماعي وبيحب الحفلات والاندماج، فانتي لازم تكوني انتي كمان اجتماعية وعارفة ميعاد كل الحفلات وكل الأنشطة وعندك استعداد تخرجيه وتوديه كل الحفلات دي.
أعداء طفل برج الدلو
- كلمة “كده” اللي بتتقال لما يسأل ليه. هو لما بيسأل ليه، بيكون عايز يعرف بجد، مش عايز يعند وخلاص. عشان كده، يفضل لما يسأل، نجاوبه إجابة ترضي دماغه.
- الشلة: هو اجتماعي وبيحب الناس، بس ما يحبش يكون في شلة، بيحب يبقى صديق لناس كتير مختلفة عن بعضها.
- اختراق الخصوصية: ما تدخليش أوضته إلا لما تستأذني، ولو (خاصة في سن المراهقة) الأوضة بتاعته كانت مكركبة، اطلبي منه هو يرتبها لإنك لو رتبتيها، هيتضايق جدًا، مش عشان مش عارف الحاجات فين، لكن عشان حاسس إن الأوضة اتدخلت وانتي عرفتي عنه حاجات.
المصدر
Horoscope
التعليق باستخدام حساب فيس بوك