محتويات المقال
من المشاكل اللي بتقابل كل حامل في التلت الأخير من حملها هي مشكلة الطلق، لإن بيحصل قبل ميعاد الولادة بأيام ويمكن أسابيع انقباضات تشبه انقباضات الولادة الحقيقية ( طلق الولادة الحقيقي ). عشان كده، النهارده، هنتكلم عن ما هو الطلق؟ .. علامات وأعراض طلق الولادة الحقيقي و أعراض الطلق الكاذب في الشهر التاسع بالتفصيل.
-
ما هو طلق الولادة الكاذب؟
حوامل كتير بتسأل ما هو الطلق؟ بيكون عبارة عن انقباضات تشبه انقباضات الولادة أو الطلق وبتتسمى Braxton-Hicks contractions أو انقباضات براكستون-هيكس. بيكونوا انقباضات في منطقة الرحم وبتكون غير منتظمة. وده أول فرق بين طلق الولادة الكاذب والحقيقي. الطلق الحقيقي بيكون دايمًا منتظم يعني بين الانقباضة والتانية بتكون عدد دقايق معينة وبتفضل كده لمدة وبعدين بتقل بالتدريج. خدي بالك، رغم إن الطلق الكاذب معروف عنه إنه بييجي في التلت الأخير من الحمل، إلا إنه ممكن يبدأ من التلت التاني.
-
علامات وأعراض الطلق الكاذب
زي ما قلنا، أعراض الطلق الكاذب هي إنه طلق الولادة بيكون مش منتظم بمعنى
- الوقت ما بيقصرش بينهم.
- ما بيزيدوش بالمشي والحركة.
- مدتهم ما بتطولش.
- مش هيكونوا أقوى مع الوقت.
-
كيف أعرف طلق الولادة الحقيقي ؟
الطلق الحقيقي (وده هو الوقت اللي لازم تروحي فيه للمستشفى) هو الانقباضات القوية جدًا اللي بتفضل الانقباضة الواحدة منها لمدة 45 لحد 60 ثانية والوقت بينهم بيكون من 3 إلى 4 دقايق.
ممكن تشوفي هنا مراحل تطور الجنين والحمل: الشهر التاسع
-
أعراض الطلق الحقيقي
- زي ما قلنا: الانقباضات (الواحدة 45 – 60 ثانية) بيفصل بينهم 3-4 دقايق.
- الميا: نزول مياه الولادة وهي العملية اللي في العرف الشعبي جدًا بيسموها “القرن طش”. وده معناه إن السائل الأمينوسي اللي محاوط للجنين وهو أشبه بكيس مليان بسائل، بتقع من المهبل دفعة واحدة أو بتفضل تنقط بشكل مستمر. السائل ده بيكون من غير ريحة وبيكون شفاف. لما السائل ده ينزل، لازم تكتبي (أو خلي حد يكتب) الوقت اللي حصل فيه بالظبط، وقد إيه من السائل نزل وشكل السائل، وكلمي دكتورتك أو دكتورك المتابع وهو هيقول لك تعملي إيه.
- تمدد الحوض: في طلق الولادة الحقيقي، هتحسي إن المهبل كإنه بيقصر وبيرفع (بتقل سمكه يعني) وكإن الحوض كله بينزل لتحت. ده نتيجة إن كل عضلات الحوض والمهبل بتستعد إنها تفتح قدام راس الجنين الباب عشان تنزل.
نتمنى لك ولادة آمنة وطفل سليم ومعافى. لو لسه محتارة في اسم الطفل، ممكن تشوفي هنا أسماء بنات وأولاد جديدة .
عشان تعرفي معلومات عن الجنين في الشهور الأخيرة، اقري هنا.
المصادر:
WebMD
التعليق باستخدام حساب فيس بوك