تدخين السيدات أخطر من تدخين الرجالة بكتير جدا، يكفي نعرف إنه لو الست المدخنة معرضة للإصابة بأمراض القلب أكتر من الراجل بـ 25 % الاختلافات البيولوجية بين الراجل والست بتخلي السيدات يستنشقوا المواد المسرطنة والسامة من السجاير بشكل أكبر، غير مشاكل تانية كتير، والازمة بتكون أعنف لو كانت الست بتخطط للحمل، لذلك انتي محتاجة تقرأي المقال ده لو كنتي مدخنة وبتخططي تخلفي قريب.
أضرار التدخين على السيدات والأطفال
عموما التبغ بيموت نص اللي بيتعاطوه، بنتكلم عن 8 نسمة بتموت سنويا بينهم 7 مليون بيدخنوا مباشرة و1.2 مليون بيتعرضوله بدون قصد –التدخين السلبي- وال7 دول فيه منهم 2مليون ست بتموت بسبب التدخين وممكن تكون سبب في وفاة طفلها أو جنينها، لما نعرف كم المشاكل الصحية اللي ممكن يكون سبب فيها للست المدخنة ولطفلها في حالة الحمل والولادة بيتحول قرار الإقلاع عن التدخين لاكتر قرار سليم وناجح، بنتكلم عن أضرار زي:
- إن النساء الحوامل اللي بيدخنوا عرضة للإجهاض وللمضاعفات خلال الحمل والولادة
- تدخين المراة الحامل بيزود فرص ولادة طفل عنده عيوب خلقية
- تدخين المراة الحامل سبب في انخفاض وزن الطفل عن المتوسط وقت الولادة
- الطفل المولود لأم مدخنة معرض للوفاة خلال الأسبوع الأول وكمان معرض للموت المفاجئ.
- التدخين بيزود فرص الإصابة بسرطان عنق الرحم
- بيزود خطر الإصابة بكسور بسبب هشاشة العظام
- بيسبب تساقط الأسنان في سن اليأس
ممكن كمان تشوفي: أضرار التدخين على الحامل والجنين
إزاي تبطلي؟
مبدأيا لازم تعرفي إن كل يوم ناس كتير جدا بتبطل، وعمرهم ما بيرجعوا تاني للتدخين يعني فيه تبطيل فعلا، ثانيا افتكري إنك لما تحسي برغبة في التدخين، الإحساس الملح ده هيروح خلال 5لـ 10 دقايق، غير إن فيه طرق للعلاج منها مثلا:
- العلاج ببدائل النيكوتين وصولا لمرحلة التبيطل التام وده طبعا بيكون من خلال طبيب، والنيكوتين في الحالة دي بيكون لازقة أو لبان أو أقراص للمضغ، أو أقراص، أو بخاخ.
- ابعدي عن الحاجات اللي هتخليكي تحني للتدخين، أصحاب مدخنين ، مواقف صعبة، المحلات اللي فيها تدخين، وهكذا.
- لما تحسي إنك محتاجة تدخني فورا قولي لنفسك تمام هدخن لكن بعد 10 دقايق، خلال الوقت ده الرغبة هتروح لوحدها.
- خليكي نشيطة بدنيا لما هتعملي حاجات فيها حركة بدنية زي الطلوع والنزول على السلم أو تنضيف البيت أو حتى تتمشي شوية أو تجري ده هيصرف انتباهك عن التدخين وبالتالي هتبطلي حتى بدون ماتقصدي.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
مايو كلينك
who
ويب طب
التعليق باستخدام حساب فيس بوك