محتويات المقال
ممكن تحددي لو كان عندك نقص وزن باستخدام حاسبة مؤشر كتلة الجسم، الحاسبة بتاخد في اعتبارها وزنك وطولك وعمرك وجنسك عشان تحسب النتيجة، لو مؤشر كتلة جسمك أقل من 18,5 فإنتي عندك نقص وزن، في المقال ده هنقولك على نصائح وحاجات في التغذية تخليها في اعتبارك وإنتي بتحاولي تكسبي وزن بشكل صحي:
-
ضيفي سعرات حرارية صحية:
مش هتحتاجي تغيري نظام أكلك بشكل مختلف أوي، بس ممكن تزودي سعرات حرارية صحية عن طريق إضافة المكسرات أو البذور أو الجبن، جربي اللوز أو بذور عباد الشمس أو الفاكهة والعيش المعمول من دقيق القمح الكامل.
-
اختاري الأكل اللي قيمته الغذائية عالية:
بدل ما تاكلي سعرات حرارية عالية عن طريق الوجبات السريعة، كلي أكل مليان عناصر غذائية زي اللحوم عالية البروتين واللي هتساعدك إنك تبني عضلات كويسة، اختاري الكربوهيدرات المغذية زي الرز البني والحبوب الكاملة، ده هيخليكي تستفيدي جدًا من أكلك حتى لو كنتي بتعاني من ضعف الشهية.
-
كلي وجبات خفيفة:
استمتعي بالوجبات الخفيفة اللي فيها بروتينات وكربوهيدرات صحية، حطي في خياراتك حاجات زي الجرانولا والبروتين بار والمشروبات والبسكويت مع زبدة الفول السوداني أو الحمص، والوجبات الخفيفة اللي فيها دهون كويسة زي المكسرات والأفوكادو.
-
كلي وجبات صغيرة :
لو عندك ضعف شهية بسبب مشاكل طبية أو عاطفية أو نفسية ممكن يكون الأكل الكتير مش أحسن حاجة بالنسبة لك، حاولي تقسمي الوجبات لوجبات أصغر تقدري تاكليها طول اليوم عشان تزودي السعرات الحرارية اللي بتاكليها.
-
جربي تمارين القوة:
في كتير من التمارين الرياضية ممكن تخليك تخسري وزن أكتر عن طريق حرق السعرات الحرارية، ركزي على تمارين القوة زي رفع الأثقال أو اليوجا، التمارين دي هتبني عندك عضلات هتزود وزنك وتحسن شكل جسمك العام.
وتقدري تمارسي الرياضة في بيتك عن طريقة برنامج راحة بالي الرياضي Fit Mama at Home Program
وأخيرا قبل ما تبتدي خطتك لزيادة وزنك لازم تستشيري طبيبك، لأن أوقات كتير جدا بيكون سبب نقص الوزن هو مشكلة صحية مش هتتصحح بإنك بس تغيري نظامك الغذائي، الدكتور هيقدر يتابع صحتك ويشوف تقدمك في الزيادة وهيتأكد إن مفيش تغيرات مش صحيحة بتحصل لجسمك.
وفي أسئلة مهمة لازم تسأليها للدكتور منها:
- أزود وزني ازاي لو ما بحسش بالجوع؟
- إيه الأطعمة الصحية اللي ممكن تساعدني؟
- أوقف تمارين رياضية ولا لأ؟
- إيه الأدوية اللي ممكن أكون باخدها وبتأثر على نقص الوزن؟
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك