عصر الثدي اليدوي في الرضاعة الطبيعية إجراء بتلجأ ليه الأمهات لاعتصار الحليب باليد لأسباب مختلفة منها تخفيف الاحتقان ، منع نزوله على ملابسها، أو حتى ادخاره لاستخدامه في وقت تاني. قد يكون عصر الثدي باليد بديل مريح أكتر من مضخات الثدي سواء كانت يدوية أو كهربائية بالنسبة لبعض الأمهات، لأنك تقدري تقومي بيه في أي مكان ومن غير الحاجة لأي أجهزة مخصوصة، حتى إنه ثبت أنه بيحفز إدرار الثدي لمزيد من الحليب.
خطوات ما قبل عصر الثدي يدويا ً
اغسلي يديك
قبل ما تبدأي لازم تغسلي ايديك كويس جدا، احرصي على إنك تغسلي إيدك بمياة دافية علشان تكون هي نافسها دافية لأن الإيد الباردة ممكن تأخر تنفيذ العصر، لو حسيتي بالخوف أو التردد متخافيش إنك تطلبي المساعدة سواء من الممرضة أو زوجك لو كانت دي أول مرة ليكي.
دلكي صدرك
تقدري تدلكي صدرك براحة بيدك أو بفوطة ناعمة لو حبيتي تهيئيهم أكثر للعصر اليدوي، افركي الجلد المحيط بالحلمتين ودلكيه براحة لترخي ثديك وتستعدي لإدرار الحليب .
خطوات اعتصار حليب الثدي باليد
اقعدة وانحني للأمام
الوضع ده هيسهل عليكي جدا العملية دي وهتلاقي فيه كمية حليب أكتر من لو كنتي بتقومي بالعملية دي وإنتي واقفة مستقيمة أو نايمة.
ضعي أصابعك على قنوات الحليب في ثديك
هتحتاجي تحطي ايدك زي الكوباية فوق الحلمة أو تحتها وتقومي بالخطوات دي :
- حطي إبهامك فوق حلمتك،بمسافة 2,5 سم تقريبا.
- حطي أول إصبعين من يدك تحت الحلمة مباشرة بمسافة 2,5 سم .
- عدلي مكان إصبعك حسب ما ترتاحي وحسب حجم صدرك.
- تجنبي المداعبة للحلمة نفسها في الوضعده.
اضغطي للداخل ناحية جدار الصدر
لازم يكون الضغط لطيف وثابت من غير ما تحسي إنك بتعصري صدرك أبدا، تجنبي شد الجلد الموجود فوق الهالة أو إطالته لأن ده بيصعب اعتصار الحليب، اضغطي بالإبهام والسبابة على أنسجة الثدي مباشرة وجدار الصدر، وفيه شوية حاجات كمان هتحتاجي تتذكريها:
- تذكري أن تضغطي للداخل مش للخارج وأنك تلفي أصابعك حوالين الثدي مش تمرريها عليه.
- لفي إبهامك وأصابعك في إتجاه الأمام لتعتصري الحليب من الغدد الموجودة تحت الحلمة.
- خلي أصابعك مضمومة لأن مباعدتها بتقلل فعالية العملية.
- ارفعي صدرك قبل الضغط لو كان كبير الحجم.
اجمعي الحليب المعصور
لو بتقومي بالعملية دي للتخلص من الأحتقان فتقدري تستخدمي فوطة أو حتى تفرغيه فوق حوض الحمام مثلا، أما لو هدفك تخزنيه علشان تستخدميه في وقت تاني فممكن تحتاجي تستخدمي الحاجات دي :
- استخدمي أكياس الحليب لجمع الحليب المعتصربتتباع في الصيدليات.
- اعصري الحليب في زجاجات الرضاعة مباشرة لاستخدامه في وقت تاني.
- ممكن تستخدمي قمع لتوجيه الحليب إلى أي وعاء هتستخدميه مباشرة .
- استخدمي وعاء واسع الفوهة زي فنجان قهوة أو برطمان صغير، وبعد كدة تقدري تنقليه في وعاء الحفظ.
كرري العملية للثدي الآخر
غيري المواضع شوية لكل ثدي علشان تفرغي الحليب كله، هيحفز التحرك بين الثديين تفريغ الحليب بدرجة تساوية.
في الأخر فكرة العصر اليدوي هتحتاج منك شوية تدريب لحد ما تتقنيه، هتلاقي نفسك في العموم محتاجة يكون معاكي فوطة تنشفي بيها أي تقطير أو تسريب على ملابسك، ما تستسلميش بسهولة لو حسيتي بالصعوبة في الاول، الأمور دي بتاخد وقت على ما تتعودي عليها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر
Healthline
التعليق باستخدام حساب فيس بوك