علاجات طبيعية لتهدئة الكحة

زي الأيام دي كل سنة، كتير مننا بتعاني من الكحة وإزعاجها وتعبها. ولإننا حريصين على صحتك وراحة بالك، جمعنا لك النهارده علاجات طبيعية تقدري تعمليها في بيتك لتهدئة الكحة.

علاجات طبيعية للكحة

1.العسل الأبيض

2.الزنجبيل

3.السوائل

4.غرغرة بميا وملح

5.الزعتر

العسل الأبيض

بجانب الفوايد العلاجية الكتير للعسل الأبيض، أو عسل النحل، هو كمان بيهدي الكحة. عشان تستفيدي من عسل النحل في تهدئة الكحة، حطي معلقتين منه على كباية ميا دافية أو أي أعشاب زي الينسون. اشربيه مرة أو اتنين في اليوم.

بنفكرك إنه ما ينفعش أطفال أقل من سنة ياكلوا أو يشربوا عسل النحل.

الزنجبيل

لو الكحة ناشفة أو م سببها الربو، فالزنجبيل ممكن يهديها لإن له خصائص مضادة للالتهاب، وبيمنع الدوخة والألم. عشان تستفيدي من الزنجبيل في الكحة، قطعي شرايح من الزنجبيل من 20لـ 40 جرام وحطيها في ميا سخنة، وسيبيها لمدة دقايق قبل ما تشربي. ضيفي عصير الليمون أو عسل النحل عشان تحسين الطعم وعشان تهدئة أكتر للكحة. لكن خدي بالك، الزنجبيل ممكن يسبب إحساس بالحموضة أو تعب في البطن.

السوائل

السوائل مهمة لأي حد عن ده برد أو إنفلونزا. الجفاف مش حلو خالص عشان الكحة ولا عشان البرد عمومًا. والسوائل مش بس ميا، ممكن تشربي أعشاب، شوربة، شاي، ميا دافية، وعصير فواكه دافي.

الغرغرة بالميا والملح

ده علاج طبيعي وسهل جدًا لالتهاب الحلق والكحة المصاحبة ببلغم. الميا بملح بتقلل البلغم والمخاط اللي في الحلق، وده بيقلل احتياج الجهاز التنفسي للكحة. اتغرغري بالمحلول ده أكتر من مرة في اليوم لحد ما الكحة تتحسن.

الزعتر

الزعتر له استخدامات هايلة للكحة والتهاب الحلق والتهاب الشعب الهوائية ومشاكل الهضم كمان. عشان تستفيدي من الزعتر للكحة، فيه طريقتين.
الطريقة الأولى: ضيفي معلقتين زعتر لكباية ميا سخنة وسيبيها 10دقايق وصفيها واشربيها.

الطريقة التانية: استخدمي دوا طبيعي فيه خلاصة الزعتر.

MAT-EG-2000763