محتويات المقال
الصفراء عند حديثي الولادة عبارة عن تلون بشرة وعين المولود الجديد باللون الأصفر. وبيحصل للرضع حديثي الولادة بسبب إن دم الطفل نفسه بيحتوي على كمية زيادة من مادة اسمها البيليروبين، وهي سبب تلوين أصفر من خلايا الدم الحمراء.
اعرفي هنا حالات تستلزم إدخال الطفل الحضانة
إيه هي الصفراء عند حديثي الولادة؟
الصفرا أو أوقات تانية بتتسمى باليرقان حالة شائعة، خصوصًا في حديثي الولادة اللي بيتولدوا قبل الأسبوع الـ38 من الحمل (قبل الموعد). وكمان بعض الأطفال اللي بيرضعوا طبيعي. والحالة دي بتحصل عمومًا لأن كبد الطفل لسة ما كامل النمو كفاية علشان يقدر يتخلص من البيليروبين في مجرى الدم. في بعض الأطفال، وأحيانًا بيكون سبب الإصابة بالصفرا وجود مرض غير مكتشف عند الرضيع، معظم الأطفال اللي بيتولدوا ما بين الاسبوع الـ35 من الحمل ولحد الأسبوع الـ40 مش بيحتاجوا لعلاج من الصفرا.
حَوَل العين عند الأطفال الرضع حديثي الولادة
إيه اهم الأعراض؟
في العموم بتظهر الصفرا على الجلد ومنطقة بياض العين، وبتظهر عادة ما بين اليوم التاني لليوم الرابع للولادة، وعشان تتأكدي من إصابة رضيعك بالصفرا، اضغطي بصباعك براحة على جبين أو أنف طفلك. لو البشرة بانت إنها صفرا مكان ما ضغطتي، فاعرفي إن رضيعك عنده صفرا خفيفة، ولو ما ظهرش ليكي اللون الاصفر ده اعرفي إنه ما عندهوش، اعملي الاختبار ده في إضاءة كويسة والأفضل يكون في ضوء النهار الطبيعي.
حديثي الولادة: حلول للتخلص من قشرة رأس الرضع
أهم الأسباب الإصابة بالصفرا
زي ما قلنا إن الصفار ده بيحصل بسبب مادة اسمها البيليروبين اللي زيادة نسبتها في الدم هي السبب الرئيسي في حدوث الصفرا. ولازم تعرفي إن البيليروبين مادة بتفرز بشكل طبيعي أصلا بعد تكسير خلايا الدم الحمراء القديمة، وإن حديثي الولادة بيفرزوا نسبة بيليروبين أكتر من البالغين بسبب الإنتاج الكبير والتكسير الأسرع لخلايا الدم الحمراء في أيام عمرهم الأولى. اللي بيحصل إن الكبد بيقوم بتصفية البيليروبين من الدم وإفرازها في مجرى الأمعاء. ولأن كبد الرضيع بيكون غير كامل النضوج فمش بيقدر يتخلص من البيليروبين بالسرعة الكافية،وبالتالي اللي بيحصل إن نسبة المادة دي بترتفع في الدم. لو لاقيتي إن الصفرا بدأت عن رضيعك بدري جدًا أو متأخر جدًا عن وقتها الاعتيادي بالنسبة للرضع عمومًا، فتقدري تفكري في احتمالية وجود مرض كامن مسبب لظهور الصفرا. ومن الحالات دي:
- وجود نزيف داخلي.
- الإصابة بعدوى في دم الرضيع.
- الإصابة بعدوى بكتيرية أو فيروسية .
- وجود عدم توافق بين دم الأم ودم الطفل.
- خلل في وظائف الكبد.
- انسداد القنوات الصفراوية عن الرضيع.
- نقص في الإنزيمات
- خلل في خلايا الدم الحمراء وبتالي تكسرها أسرع من المفروض.
أشكال المضاعفات
المستويات العالية من البيليروبين ممكن تسبب الإصابة بالصفرا الشديدة وبالتالي حدوث مضاعفات حقيقي خطيرة لو ما تمش علاجها بسرعة، زي مثلا:
اعتلال دماغي حاد
البيليروبين بيعتبر سام لخلايا الدماغ، ولو حصل إن الطفل كان بيعاني من الصفرا الشديدة، فهنا بيكون فيه خوف إن البيليروبين يوصل للدماغ، وحالة دي اسمها اعتلال الدماغ الحاد الناتج من البيليروبين. ولكن العلاج الفوري يقدر يمنع حدوث أضرار دائمة كبيرة للطفل.
وأهم أعراض اعتلال الدماغ الحاد الناجم عن البيليروبين عند الأطفال المصابين بالصفرا الشديدة بيشمل:
- الكسل الشديد
- صعوبة حقيقة في الاستيقاظ
- العياط بصوت عالي جدا
- ضعف ونقص في الإقبال على الرضاعة
- ارتفاع درجة الحرارة
الصفرا/اليرقان النووي
اليرقان النووي حالة أو متلازمة بتحصل لو الاعتلال الدماغي الحاد بالبيليروبين سبب تلف دايم للدماغ. وممكن يظهر على طفل العلامات دي:
- حركات لا إرادية وخارجة عن السيطرة
- البص لفوق بثبات
- فقدان السمع
- نمو شاذ لمينا الأسنان
إمتى تروحي للطبيب؟
أغلب المستشفيات دلوقتي ملتزمة بسياسة فحص حديثي الولادة لاكتشاف الإصابة بالصفرا قبل خروجهم من المستشفى. الأكاديمية الأمريكية لطب الأطفال في أخر توصياتها بتشجع على فحص حديثي الولادة لاكتشاف الإصابة بالصفرا خلال الفحوصات الطبية الروتينية ومرة واحدة على الأقل كل مدة تتراوح ما بين 8 إلى 12 ساعة بعد الولادة.
الفحص ده عموما بيحصل ما بين اليوم التالت لليوم السابع من الولادة، لأن هنا بيوصل البيليروبين لأعلى مستوى ليه، ولو إنتي خرجتي من المستشفي قبل مرور 72 من الولادة، هتحتاجي تحجزي ميعاد مع الدكتور علشان يفحص الصفر خلال يومين من خروج الطفل من المستشفى.
لو لاقيتي العلامات دي يبقى لازم تكلمي الدكتور في لحظتها:
- جلد الطفل بأة أكتر اصفرار.
- جلد الطفل إصفر في منطقة البطن أو الدراعين أو الساقين بصورة كبيرة وواضحة
- بياض العينين أصفر بشكل واضح
- لو حسيتي إن رضيعك كسلان ومش نشيط وبيصحى بصعوبة جدا
- لو وزنه مش بيزيد ومش عارفة تغذيه
- لو بيعيط بصوت عالي جدا
- لو ظهر عليه أي أعراض سببت لك أي قلق
ازاي تتجنبي الصفرا
أفضل طريقة لتجنب من الإصابة بالصفرا للرضع هي التغذية الكافية والمشبعة. الرضع اللي بيعتمدوا على الرضاعة الطبيعية لازم يرضعوا من 8 لـ 12 مرة على مدار اليوم ولمدة الأيام الأولى من عمرهم، ولو إعتمدي الرضاعة الصناعية لطفلك فإعرفي إنه هيحتاج من 30 لـ 60 ملليلتر من اللبن الصناعي كل ساعتين أو تلاتة طول أيام الأسبوع الأول من عمره.
تقدري تقولي إن دي الملامح العامة لإصابة حديثي الولادة بالصفر، زي ما قولت لك هي أصلا حالة شائعة جدا وسهل التعامل معاها، بس لو حسيتي بأي قلق ارجعي لطبيبك فورًا.
التعليق باستخدام حساب فيس بوك