انسداد المسام واحدة من أسخف المشاكل الجلدية اللي بتواجه على وجه الخصوص أصحاب البشرة الدهنية، والمشكلة إن لها دايمًا توابع وآثار على الجلد بتكون مزعجة جدًا. وبتتطلب عناية مستمرة، لإنها حالة ما لهاش علاج نهائي لكن هي دايمًا قابلة للتحسن، ومع أي إهمال بترجع تاني. علشان كده، هنتكلم عن أسباب انسداد المسام، وازاي نتجنبها. وفي الآخر، هنتكلم عن شوية وصفات منزلية سهلة جدًا تعتبر علاج المسام المسدودة، بمجرد التزامك بيها هتفرق معاكي جدًا في النتيجة.
أفضل 8 زيوت لترطيب البشرة في الشتاء
أسباب المسام المسدودة
الأسباب كتير وبتشمل:
- نوع البشرة: البشرة الدهنية زي ما قلنا قبل كده هي أكتر أنواع البشرة اللي بتتعرض لانسداد المسام، لأنها بطبيعتها بتفرز كميات كبيرة من الدهون. عادية ولا مختلطة ولا جافة .. ازاي تعرفي نوع بشرتك
- عدم العناية بالبشرة: وده من أهم الأسباب اللي بتسبب تراكم الدهون وبالتالي انسداد المسام، فعدم تنظيف البشرة وغسيلها بشكل مستمر بيسبب المشكلة دي. الريتينول.. أحدث صيحة في منتجات العناية بالبشرة
- الاستخدام المبالغ فيه لمستحضرات التجميل: لازم تعرفي إن فيه أنواع بتؤثر على البشرة بالسلب. ده غير إن عدم تنظيف البشرة كويس بعد المكياج بيسبب انسداد المسام. بالأسعار: أشهر 10 أنواع مزيل مكياج في مصر
- تراكم البكتيريا والجراثيم على البشرة: وده ممكن يحصل بأبسط الأمور زي مثلًا ملامسة الموبيل لبشرة وجهك، لأنه بيحمل كميات من الجراثيم، وبرضه مننساش إن اليد في حالة عدم نظافتها.
- المخدة: النوم على مخدة غير نظيفة وبتحتوي على بكتيريا أو حتى بقايا المواد الكيماوية المستخدمة في تنظيفها ممكن يعتبر من العوامل اللي بتسبب انسداد المسام.
- الأكل الدهني: وده لأن الزيوت المشبعة الموجودة في الأكل الدهني والمقلي بتسبب انسداد المسام وتراكم الدهون على البشرة.
- طبقات الجلد الميت: وده طبعًا بيحصل في حالة عدم الاعتناء بالبشرة بشكل يومي، بيحصل تراكم طبقات الجلد الميت عليها وبالتالي انسداد المسام.
ازاي تتجنبي انسداد المسام
- افحصي منتجات العناية ببشرتك
- ابعدي عن المنتجات المقاومة للماء
- نظفي بشرتك بعمق
- الترطيب
- استخدام كريم الأساس السائل
1. افحصي منتجات العناية ببشرتك
لما بيحصل وتظهر أي مشكلات جلدية، دوّري أول حاجة بين منتجاتك الخاصة للعناية بالبشرة. محتمل جدًا إن بعض المكونات المستخدمة تكون هي السبب في انسداد المسام وتلف البشرة. زي مثلًا الكريم المرطب قوامه تقيل، غسول البشرة غير مناسب لنوع بشرتك. التونر زيادة عن اللزوم، أدوات المكياج اللي مش نظيفة، أو حتى منتجات العناية بالشعر، زي الشامبو والبلسم، لأنه ممكن تحتوي على بعض المكونات اللي بتتسبب في انسداد المسام وبالتالي ظهور حب الشباب.
2. ابعدي عن المنتجات المقاومة للماء
مش بس عليكي تختاري منتجات العناية ببشرتك المناسبة لنوعها، إنما كمان تحرصي جدًا على إزالتها آخر اليوم، وخصوصًا المنتجات المقاومة للماء زي المكياج وواقي الشمس. على قد ما تقدري حاولي تجنبيه المنتجات المقاومة للماء، لإنها بتسيب بقايا عنيدة تترسب داخل المسام، والمسام بتتسد بسببها.
3. نظفي بشرتك بعمق
خليكي حريصة كل الحرص على التنظيف اليومي للبشرة علشان تتخلصي من آثار الأتربة والزيوت الزايدة. وفيه كذا طريقة بتستخدم للتنظيف العميق لمسام البشرة ومن أفضلها:
* الزيوت الطبيعية: مش بس بتساعد على إزالة آثار الأتربة والزيوت الزايدة، لكنها الأفضل لإزالة آثار المنتجات المقاومة للماء. وهي بتشتغل بطريقة تذويب الزيوت الزايدة والمترسبة داخل المسام من غير أي تحفيز لخلايا البشرة لإفراز المزيد من الزيوت. استخدمي زيت الزيتون وزيت جوز الهند وشوفي كمية الأتربة اللي هتلاقيها على القطنة.
* الرتينويد Retinoids: أحيانًا مشكلة المسام المسدودة بيكون صعب التخلص منها وده نتيجة لتراكم الترسبات العنيدة، واللي بتحتاج لعلاج قوي. منتجات الرتينويد من أفضل المكونات اللي بتساعد على تنظيف المسام المسدودة والتخلص من الشوائب. لكن خلي بالك استخدامها كتير ممكن يسبب جفاف للبشرة.
4. الترطيب
على الرغم من إن ناس كتير فاكرة إن المرطبات بتتسبب في انسداد مسام البشرة، إلا أن في الحقيقة استخدام المرطبات أحيانًا يقدر يحمي من انسداد المسام وده من خلال الحفاظ على نعومة البشرة ومرونتها. في حالة البشرة الجافة جدًا بتتراكم طبقات الجلد الميت وبالتالي بتسد المسام. استخدمي المرطبات المناسبة لنوع بشرتك لضمان الحصول على بشرة نضرة وناعمة.
5. استخدمي كريم الأساس السائل
لأن المسام المسدودة ظاهرة عند البشرة الدهنية، بيفضل استخدام كريمات الأساس السائلة. وكريمات BB السائلة أو اللي تركيبتها خفيفة وده لتجنب ترسب المنتجات دي داخل المسام وبالتالي انسدادها.
علاج المسام المسدودة بوصفات منزلية
- الثلج
- الألوفيرا
- بياض البيض
- خل التفاح
- صودا الخبز
الثلج
الثلج لعلاج المسام المسدودة
الثلج يشد البشرة، وبيقلص المسام الواسعة، وتقدري تمشيه على البشرة قبل المكياج؛ للتقليل من حجم المسام، ولزيادة فعالية الطريقة دي ممكن تضيفي عصير الخيار، أو عصير التفاح، أو الشاي الأخضر، أو ماء الورد، أو نعناع أو اتباع طريقة بسيطة وفعالة في تصغير المسام وتحفيز الدورة الدموية، وتعزيز صحة البشرة، والطريقة هي:مكعبات الثلج. قطعة قماش نظيفة . بعد كدة تلفي مكعبات الثلج بقطعة القماش. وتحطيها على البشرة مدة 15-30 ثانية. كرريالطريقة دي كذا مرة في اليوم لحد ما تحصلي على النتيجة اللي عايزاها.
الألوفيرا
الألوفيرا لتفتيح المسام
الألوفيرا بيرطب وبينظف ويغذي البشرة، ويقلص من حجم المسام الواسعة، وبيزيل الأوساخ والدهون من المسام المسدودة. والطريقة الصحيح لاستخدامه هي: بتجيبي جيل الألوفيرا وبتدلكي بيه المسام لمدة دقائق. وتسيبيه على البشرة مدة 10 دقائق قبل شطفه بالماء البارد. كرري الطريقة مرة في اليوم.
بياض البيض
بياض البيض لتصغير مسام البشرة
بياض البيض بيقلص المسام الواسعة ويشد البشرة ويقدر يعالج حب الشباب. وطريقة استخدامه إنك تجيبي بياض بيضة وملعقتين كبار من دقيق الشوفان. ملعقتين كبار من عصير الليمون. وتخلطيهم كلهم مع بعض لحد ما تحصلي على معجون متناسق القوام، افردي المعجون على بشرتك، وسيبيه لمدة 30 دقيقة. واشطفيه بالماء البارد. كرري الطريقة دي مرتين في الأسبوع.
خل التفاح
خل التفاح للمسام المسدودة
خل التفاح زي التونر للبشرة؛ يشدها ويطهرها، ويقلص من حجم المسام الواسعة، ويخفف من الالتهابات التي ممكن تظهر عليها، وطريقة استخدامه هي: كمية متساوية من خل التفاح والماء. قطعة قطن. هتخففي خل التفاح بالماء، وتحطي المحلول على بشرتك باستخدام القطن، وتسبيه ينشف على بشرتك، كرري الاستخدام ده يوميًا.
صودا الخبز
بيكربونات الصودا لعلاج مسام البشرة
بتقلل من حجم المسام وبالتالي بتقلل الإصابة بحب الشباب، وده لاحتوائها على خصائص مضادة للجراثيم والالتهابات، وبتوفر توازن مستوى الحموضة في البشرة، وبتشيل الجلد الميت والأوساخ والاتربة. طريقة استخدامها هي معلقتين كبار من صودا الخبز. معلقتين كبار من المياه الدافية، هتخلطي المكونات لحد ما يكون معاكي معجون. هتحطيه على المسام الواسعة وتدلكي بشكل دائري لمدة 30 ثانية، وبعد كده، اشطفي بشرتك كويس بالمياه الباردة، كرري الطريقة دي تلات مرات في الأسبوع.
اعملي بنفسك: لصقات لإزالة الرؤوس السوداء
التعليق باستخدام حساب فيس بوك