أول لما الأم بتبدأ الرضاعة الطبيعية بعد الولادة، بتقابل مشاكل كتير زي تشقق الحلمات وقلة لبن الثدي، وعدم تعودها على أوضاع الرضاعة الطبيعية الصحيحة، ومن أهم المشاكل دي تحجر لبن الثدي وتكتله. وفي المقال ده، هنقول لك على 6 طرق علاجه والوقاية منه.
-
إيه هو تكتل أو تحجر لبن الثدي؟
هو إحساس كإن في حجرة حقيقية جوا الثدي، ولما بتلمسي الثدي بإيدك بتلاقيه متحجر جدًا، وده بيكون بسبب انسداد غدد الحليب في الثدي، وده ممكن يحصل في ثدي واحد أو الاتنين.
-
طرق علاج تكتل وتحجر الحليب في الثدي
-
الرضاعة الطبيعية علاج تحجر لبن الثدي
ده أهم وأسرع حل، والأفضل إن الرضاعة تكون بمعدلات أكتر من العادي، يعني يكون الفرق بين الرضاعات حوالي 3 ساعات بالكتير، وممكن تخلي البيبي يبدأ بالرضاعة من الثدي السليم أو الأقل تحجرًا، وبعدين تنقليه للثدي التاني.
-
شفط اللبن من الثدي
لو البيبي معدلات رضاعته لسه مش سريعة وكتيرة، تقدري تستبدلي الرضاعة الطبيعية بشفط اللبن من الثدي سواء بشفاط اللبن اليدوي أو الإلكتروني، وتستمري على العملية دي لحد ما تلاحظي تحسن، وممكن تتناوبي ما بين شفاط اللبن والرضاعة الطبيعية.
-
الكمادات السخنة لتكتل لبن الثدي
تساعد الحرارة في تحفيز إفراز هرمون الأكسيتوسين (Oxytocin) وهرمون البرولاكتين (Prolactin)، وده من خلال استخدام مصدر حراري، زي: الكمادات الدافية قبل البدء بالرضاعة الطبيعية.
-
تدليك الثدي
بيساعد في تدفق اللبن في الثدي، وعلى تفكيك تكتل وتحجر لبن الثدي .
-
مكملات الليسثين
تساعد بعض المكملات اللي بتحتوي على مركب الليسثين (Lecithin) وهو مركب دهني، في تخفيف كثافة الحليب وبالتالي بيساعد في علاج تكتل الحليب في الثدي، ولكن تحت إشراف ومشورة الطبيب، ولازم هو اللي يحدد لك الجرعة.
-
علاجات مساعدة لعلاج تحجر لبن الثدي
- نقع الصدر في الملح الانجليزي لمدة 20 دقيقة
- لبس حمالات صدر واسعة وقطن، مش ضيقة ولا فيها أي حديد أو مقويات
- حاولي تكون الرضاعة الطبيعية في وضع الجاذبية، بحيث تساعد في نزول اللبن بشكل أسرع وأسهل
وبنفكرك إن كل العلاجات دي مساعدة ليكي، لكن مهم جدًا تستشيري طبيبك أول لما تحسي بتحجر اللبن في الثدي.
وده دليل أشهر استشاريين الرضاعة الطبيعية في القاهرة
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك