وجود التهابات أو تسلخات في منطقة بين الأفخاذ أثناء الدورة الشهرية أمر شائع خاصةً بعد ما بنات وستات كتير اشتكوا إن نوع معين كانوا بيتعاملوا معاه ومريّحهم بقى يضايقهم ويسبب لهم تسلخات بين الفخذين وقت الدورة! الالتهابات الجلدية أثناء الدورة الشهرية فى بعض مناطق الجهاز التناسلي الخارجي، زي البظر والشفرتين أو حتى في الجلد الخارجى أمر وارد، لكن المهم إننا ما نسكتش لإنها ممكن تسبب تغير في لون الجلد ويصبح أغمق للأسف. كمان ما ينفعش نتصرف من نفسنا ونحط مراهم إلا بعد استشارة الطبيب المختص.
أسباب تسلخات والالتهابات بين الأفخاذ أثناء الدورة الشهرية
- الصابون المعطر. مش صح غسيل المنطقة الحساسية بالصابون كتير لأن ده بيهيج الجلد.
- الصابون المطهر بيقتل البكتيريا النافعة والضارة الاتنين سوا وبيخلي الجلد جاف وأكتر عرضة للالتهاب.
- كريمات إزالة الشعر بتكون سبب من أسباب التهيج.
- الملابس الداخلية المصنوعة من مواد غير قطنية دي أكتر بيئة خصبة للعدوى والالتهابات خاصة في الحر.
- إن الجلد يكون حساس أصلًا. وده بقى مش محتاج حاجة، هو هيلتهب لوحده من غير حاجة.
- إن نوعية الفوط الصحية اللي بتستخدميها أثناء الدورة الشهرية تكون رديئة أو جلدك بيتفاعل معاها.
- إنك تفضلي أكتر من 4 ساعات بدون ما تغيري الفوطة لحد لما تتشبع وتصيب المنطقة بالبلل وبالتالي الالتهاب.
- إنك تكوني بتستخدمي مطهرات مهبلية بدون داعي أو سائل تنظيف للمنطقة الحساسة بدون مناسبة.
- وجود الشعر الزائد في المنطقة الحساسة دي بيكون سبب في نمو البكتيريا وانتشار الفيروسات.
علاج تسلخات بين الفخذين وقت الدورة الشهرية
اللي محتاجة تعرفيه إن الموضوع بسيط ومش محتاج مجهود كبير. تغيير بسيط في الروتين، النتيجة هتبان بسرعة:
- غيري نوع الفوط لو حاسة إن الالتهاب في مكان احتكاك الفوطة بجلدك.
- شيلي شعر المنطقة الحساسة بانتظام. دليل العناية بالمنطقة الحساسة
- غيري الفوطة أكتر من تلات مرات في اليوم والاستحمام بشكل يومي.
- تجنبي الأكل الحار.
- الفازلين سحر، ويعتبر واحد من أهم المنتجات اللي بتخفف تسلخات الجلد والالتهابات ده إذا ما كانتش أهمها على الإطلاق.
- الجأي للطبيب عشان يوصف لك مرهم مضاد للبكتيريا والفطريات. وأسرع حل بيهدّي وبيشيل الالتهاب في الحالات دي هو مرهم كيناكومب.
- الاهتمام بالتنظيف الشخصى يوميًا ما لا يقل عن مرتين جيدًا بالمياه العادية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك