جلد الوزة بتعتبر من المشاكل الشائعة وغير المؤلمة اللي ممكن تصيب الجلد، واللي بيظهر على شكل نتوءات صغيرة عليه، وبيصاب بالحالة دي تقريبا 50-80٪ من المراهقين و40٪ من البالغين في مرحلة ما من حياتهم. بيسبب جلد الوزة أو (keratosis pilaris) بقع خشنة وجافة وحبوب صغيرة لونها فاتح، بتظهر عادة على الذراعين والفخذين والمؤخرة، ومش بتسبب أي إحساس بالألم والحكة.
الحالة دي بتحصل لما خلايا الجلد الميتة بتقفل بصيلات الشعر بالمسام (pores) في الجلد، فيحصل نمو للشعر تحت الجلد، الحالة دي بتزيد عند الأشخاص أكتر في فترة الشتاء لما يكون الهواء جاف، وبتتحسن في الأشهر الدافية لما تكون الرطوبة أعلى. جلد الوزة بتعتبر حالة شائعة عند الأطفال اللي بيعانوا من الأكزيما، وفيه إحصائيات بتقول إن جلد الوزة ممكن يصيب تقريبًا نصف الأطفال العاديين، بيتم تشخيص مرض جلد الوزة بالاعتماد على مظهر الخارجي، يعني مش بيحتاج تحاليل معينة.
أسباب جلد الوزة في البشرة
- السبب الرئيسي للإصابة بالحالة الجلدية دي هو في الأساس تراكم الكيراتين اللي هو بروتين الشعر في المسام، واللي بيسبب سد المسامات دي وقفل فتحات بصيلات الشعر اللي في طور النمو.
- ونتيجة لده، بيظهر بروز صغير في المكان الذي يفترض نمو الشعرة منه، وده بيفسر سبب ظهور شعرة صغيرة على الجسم لما بتحاولي تشيلي البروز ده.
- لكن رغم كل ده، لحد دلوقتي مش معروف إيه سبب تراكم الكيراتين، وفيه بعض الأطباء بيعتقدوا إن جلد الوزة مرتبط بوجود أمراض جلدية تانية، زي الإكزيما، والأمراض الوراثية. ده غير إنه من الشائع الظهور في العائلات اللي عندها تاريخ بالإصابة بالإكزيما وحساسية الصدر أو الربو.
أعراض جلد الوزة
العرض الأساسي لجلد الوزة بيتمثل في ظهور بروزات صغيرة وخشنة لونها مختلف عن لون الجلد أحيانًا، وده اللي بيعاني منه أغلب المرضى من غير أي أعراض تانية لكن برضه في مجموعة أعراض تانية مفروض تتاخد في الاعتبار زي:
أعراض جلد الوزة
- إحساس بالحكة أو جفاف في الجلد خاصة في المنطقة الخلفية من أعلى الذراعين أو الساقين أو المؤخرة.
- تهيج واحمرار في البروز الجلدي الناجم عنها، وده بيتشخص باسم التهاب الجلد الاحتكاكي.
- خشونة الجلد في مكان ظهورها، فيكون ملمسه زي ملمس ورق الصنفرة.
- الوضع ممكن جدًا يزداد سوء في فصل الشتاء وده بسبب إن الجو بيكون جاف أكثر.
مين الأشخاص الأكثر عرضة للإصابة بجلد الوزة؟
فرصة الإصابة بجلد الوزة بتزيد عند بعض الأشخاص، ومنهم:
- الأطفال والمراهقين.
- الأشخاص اللي بيعانوا من السمنة.
- أصحاب البشرة الفاتحة.
- المصابين ببعض الحالات الجلدية الأخرى، زي الإكزيما أو السمٌاك وهو حالة وراثية تتميز بوجود خلايا الجلد الميتة كتيرة جدًا وبتظهر كقشور الأسماك.
ممكن تشوفي هنا أجمد 10 منتجات للبشرة مناسبة لسن الأربعين.
علاج جلد الوزة
مش ممكن الوقاية من مرض جلد الوزة أو الشفاء منه تمامًا ولكن من الممكن تحسين شكل ومظهر الجلد باستخدام الكريمات والمرطبات المتاحة بوصفة طبية، وفي العادة، بتتعافي الحالة بعد سن الثلاثين.
من الوسائل المتاحة لعلاج جلد الوزة هي:
1- المقشرات الموضعية لعلاج جلد الوزة (Topical Exfoliates)
- تعمل المقشرات الموضعية على إزالة خلايا الجلد الميتة من على سطح الجلد، واللي بمنع انسداد المسامات وتراكم الكيراتين اللي بؤدي في النهاية إلى اصابة الجلد بمرض جلد الوزة.
- تحتوي كريمات المقشرات في العموم على واحد من الاحماض التالية : حمض الفاهيدروكسي (Alpha Hydroxy)، حمض اللاكتيك (Lactic Acid)، حمض السالساليك(Salicylic acid) أو اليوريا(Urea)، بس لازم تعرفي إن المقشرات دي من الممكن أنها تسبب احمرار الجلد أو تهيجه، علشان كدة غير موصي بها أبدا للأطفال والحوامل.
هنقولك حقيقة أشهر 5 خرافات عن العناية بالبشرة
2- المرطبات (Moisturizing lotions)
- من الممكن استخدام المرطبات اللي بتحتوي بشكل أساسي على مادة اللانولين، أو الفازلين، أو الجليسرين لترطيب الجلد، وده بهدف ترطيب وحماية الجلد من الجفاف اللي بيزود من سوء الوضع.
مهم جداً بالفيديو: طرق ترطيب البشرة في الشتاء
من الممكن برضه استخدام المنتجات الخالية من المواد الكيميائية واللي بتحتوي بشكل أساسي على زيت اللوز، أو زيت جوز الهند لترطيب الجلد.
3- الرتينويدات الموضعية (Topical Retinoid):
- تساعد المركبات التي تحتوي على التريتينون (Tretinoin) وهو من مشتقات فيتامين A على منع انسداد بصيلات الشعر، وتحفيز دورة الخلايا علشان كدة بتساعد كتير في حالة الاصابة بمرض جلد الوزة.
- بس اعرفي إن من الممكن أن تسبب المنتجات دي جفاف الجلد وتهيجه، علشن كدة ممنوعة على الحوامل أو المرضعات استخدام أدوية بتحتوي على المركبات دي، ومش بتتصرف غير بوصفة طبية من الطبيب فقط.
4- الليزر لعلاج جلد الوزة (laser treatment)
- فيه بعض الحالات اللي مش بينفع معاها الكريمات والمستحضرات. علشان كده، بيظهر الحاجة لاستخدام جلسات ليزر متخصصة عند أخصائي الجلد، واللي بدورها بتعمل على تخفيف الاحمرار والتهيج الشديد وتحسين من مظهر البشرة.
- هناك نوع تاني من الجلسات بيخفف تهيج البشرة وبيقلل من تغير اللون بما في ذلك البقع البنية اللي ممكن تظهر لما تتخلصي من النتوءات، من الممكن أن يحتاج بعض المرضى تجربة بعض العلاجات في الأول لحد ما يوصلوا لعلاج ناجح. ولازم تبلغي الطبيب في حال عدم ظهور أي تحسن بعد استخدام خطة العلاج من 4 إلى 6 أسابيع.
علاجات طبيعية ومنزلية لعلاج جلد الوزة
- استخدمي المياة الدافية أو الفاترة بدل من المياة السخنة عند الاستحمام، وده لأن المياة السخنة بتزيل الزيوت من البشرة.
- قللي من فترة الاستحمام، يعني بالكتير استحمي في 10 دقائق.
- استخدام المرطبات السميكة أو ذات التكوين التقيل بعد الاستحمام لأنها بتحمي الجلد من الجفاف، استخدمي المرطب في خلال 5 دقائق من الخروج من الحمام بينما جلدك لسة رطب، ولازم يستخدم من 2 إلى 3 مرات في اليوم.
- عاملي جادك بلطف يعني لا تفركي ولا تهرشي وتخربشي جلدك،لأن ده بسيبب تهيج البشرة وتفاقم الحالة. ومن المهم تجفيف البشرة بعد الاستحمام بلطف وبطريقة متقطعة يعني كأنك بتطبطي وده علشان البشرة تحتفظ برطوبتها.
- استخدام المنظفات الخالية من الصابون واللي بدورها ممكن تزيد من جفاف الجلد.
- تجنبي الملابس الضيقة.
- حافظي على رطوبة الغرفة باستخدام جهاز ترطيب في البيت لأن الهواء الجاف بيزيد من سوء الحالة.
إللي جربوا قالوا: منتجات بشرة وشعر أقل من 50 جنيه بس نينجا
تقدري تقولي إن دي أغلب المعلومات الخاصة بحالة جلد الوزة، اي رغبة في استخدام دواء لازم ترجعي لطبيبك خصوصا لو كنتي حامل أو مرضعة، ولو حسيتي في أي وقت إن العلاج مش جايب نتيجة أو الحالة بتتفاقم ما تتأخريش عن طلب المساعدة الطبية لأن ده بيسهل في علاجها أكتر.
التعليق باستخدام حساب فيس بوك