بييجي فصل الصيف ومعاه أمراض جلدية للأطفال والكبار، ومن أشهر الأمراض دي هو “حمو النيل”، ورغم إنه مش مرض خطير لكن معرفة أسبابه وطرق علاج حمو النيل الأطفال والوقاية منه مهمة جدًا إنك تعرفيها، لإنه لو ما اتعالجش بيكون له مضاعفات، ده غير الألم اللي بيحس بيه الطفل، فتعالي اعرفي معانا كل المعلومات اللي محتاجة تعرفيها عن حمو النيل:
إيه هو حمو النيل؟
هو مرض جلدي بيصيب الأطفال والكبار في الصيف، لكن الأطفال والرضع أكتر عرضة للإصابة بيه، وهو عبارة عن طفح جلدي على شكل حويصلات حمرا صغيرة وهشة.
أسباب إصابة الأطفال بحمو النيل
- انسداد قنوات العرق.
- لبس الملابس الصناعية.
- الحساسية من بعض المواد.
- لبس طبقات كتير من الملابس.
- احتكاك الجسم بفرش السرير لو مش قطن، وبالبطانية أو اللحاف الحراري.
- التعرض لدرجات حرارة عالية وبدون تهوية وفي جو من الرطوبة.
- ممارسة الأنشطة اللي بتعمل زيادة تعرق.
- عدم الاهتمام بالنضافة الشخصية.
أعراض حمو النيل الأطفال
- الطفح الجلدي، وهو العرض الأساسي لحمو النيل.
- الحكة.
- عدم التعرق في المنطقة اللي فيها طفح جلدي.
- التهاب في الجسم بسبب إن عرق الجسم مش بيطلع منه.
علاج حمو النيل للأطفال
- لبس الملابس القطنية 100%
- الاستحمام بالمياه الباردة بدون صابون أو مواد كيميائية مهيجة للجلد.
- الحفاظ على النضافة الشخصية وتبديل الملابس أول بأول.
- البعد عن درجات الحرارة العالية، ويستحسن إن الطفل يفضل في التكييف البارد لحد ما يتعافى.
- البعد عن التعرض المباشر لأشعة الشمس.
- استخدام مرهم أو لوشن “كلامين”.
- التهوية الجيدة للجلد وللمنااطق المصابة من الجسم.
- استخدام المطهرات بعد استشارة طبيب الأطفال.
وبعد المداومة على على الاحتياطات دي، أغلي الحالات بتتعافى تمامًا خلال أسابيع، لكن إذا الأعراض كان معاها حرارة وحمى، أو قشعريرة معاها إحساس بالبرودة، أو بدأ الطفح يظهر منه صديد، فلازم تروحي لدكتور الأطفال فورًا، لإن دي تعتبر مضاعفات خطيرة.
ودي مجموعة مقالات تهمك عن صحة طفلك:
- علامات وأعراض فيروس الروتا Rotavirus
- نزيف الأنف عند الأطفال وطرق منعه بالتفصيل
- كيفية التعامل مع ارتفاع حرارة جسم الطفل
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
dailymedicalinfo.com
webteb.com
What’s your Reaction?
التعليق باستخدام حساب فيس بوك