دوالي الساقين لها درجات مختلفة من الشدة، فمش أي درجة منها تستحق الجراحة على طول كأول حل، لكن في حلول وعلاجات تانية غير الجراحة، وفي المقال ده هنقولك إيه هي دوالي الساقين وأعراضها، وإيه هي علاج دوالي الساقين غير الجراحة.
إيه هي دوالي الساقين؟
- هو مرض بيحصل لـ 6% من سكان العالم، وهو عبارة عن قصور في في أوردة الساقين، اللي بتوصل الدم للأوردة الرئيسية في منطقة البطن.
- وفي بعض المصابين بتكون مشكلتهم تجميلية بس، وبعض المرضى بيحسوا بآلام مع الوقوف والحركة.
إزاي أعرف إني عندي دوالي ساقين؟
ناس كتير بتخاف لما تلاقي وريد أزرق باين في الساق، أو يجيلها حكة مع احمرار وبتفكر إن دي كده دوالي ساقين، والحقيقة إن مجرد الأوردة الظاهرة في الساق، مش شرط تكون دوالي، لكن لازم تزوري طبيب مختص، علشان هو اللي هيقدر يحدد إذا كان اللي عندك ده دوالي ساقين ولا لا، وهنقولك على مجموعة من الأعراض اللي بتدل على اللإصابة بدوالي الساقين.
أعراض دوالي الساقين
- ظهور الأوردة باللون الأزرق أو البنفسجي المحمر.
- شعور بألم في الساقين وتقل في الحركة.
- حكة في الساقين.
- حرقان وتشنجات في الساقين.
- بعض التقرحات الجلدية حوالين الدوالي.
وطبعًا بتختلف الأعراض دي وحدتها من شخص للتاني.
طرق علاج دوالي الساقين بدون جراحة
- الرعاية الذاتية: زي ممارسة الرياضة، وإنقاص الوزن، وعدم لبس الملابس الضيقة، وتجنب الوقوف لفترات طويلة.
- لبس الشرابات المطاطية: ودي فكرتها إنها بتلف وتضغط على الساقين وأوردتهم، وبيساعد على تدفق الدم في الاتجاه الصحيح، ودي الخطوة الأولى في العلاج، وتقدري تختاري النوع المناسب ليكي من الصيدليات الكبيرة.
- علاج الدوالي بخلاصة بذور كستناء الصحراء، واللي بتساعد على تقليل التورمات والآلام الناتجة عن الإصابة بالدوالي، بس لازم تستشيري طبيبك الأول قبل استخدامها.
ودي مجموعة مقالات عن الصحة أكيد هتفيدك:
- 10 فوائد لتناول الثوم على الريق يوميًا
- 5 علامات بتقول إنك لازم تروحي لدكتور نسا
- أعراض العصب السابع وطرق علاجه
- 6 حقايق صادمة عن صحتك وحياتك لازم تعرفيها
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
webteb.com
What’s your Reaction?
التعليق باستخدام حساب فيس بوك