علاج ضيق المهبل في بداية الزواج

محتويات المقال

لو انتي في بداية الزواج والعلاقة الحميمة مؤلمة، ما تقلقيش. ضيق المهبل مش لازم يكون ده حالة تشنج مهبلي، ممكن يكون ببساطة رهبة العلاقة الجنسية أو أسباب تانية هنقول لك عليها في المقال ده، وكمان هنقول لك ازاي تعالجيها. الأول بانصحك تقري عن ليلة الدخلة هنا، وتيجي نتكلم شوية في ضيق المهبل في بداية الزواج.

أسباب ضيق المهبل في بداية الزواج

الخوف
المداعبة مش كفاية
التهاب
جرح
عيب خلقي

الخوف

بنات كتير بتكون خايفة في بداية الجواز إنها تتعور أو تتألم من العلاقة الزوجية، واللي ما تعرفهوش إن الخوف ده نفسه هيكون سبب في إنها تتألم لإن الخوف هيخلي عضلة المهبل مش مسترخية كفاية لعملية الجماع.

المداعبة مش كفاية

زي ما قلنا قبل كده في مقال الشعور بالألم أثناء العلاقة الزوجية إن واحد من أهم أسباب الشعور بالألم أثناء العلاقة الزوجية هو عدم كفاية المداعبة. ممكن يكون مش باين قوي الارتباط المباشر بين المداعبة وفتحة المهبل، لكن العلم وصل لإن المداعبة بتخلي المهبل عند الست يتوسع ويتمدد وده بيسهّل جدًا عملية الإيلاج.

الالتهاب والجروح

لو فيه أي التهابات في مجرى البول أو في المهبل أو أي جرح في المهبل، ده بيصعب جدًا العلاقة الحميمة على الست.

عيب خلقي في المهبل

ودي حالات نادرة جدًا، وهتكتشفيها عند طبيب النساء.