محتويات المقال
علامات تمدد الجلد من الحاجات اللي بتؤرق أمهات كتير، خاصة بعد تجربة الحمل والرضاعة، وللأسف ممكن تأثر على سلامهم النفسي وتقبلهم لنفسهم.
في المقال ده هنتعرف على الحاجات اللي بتؤدي لتمدد الجلد والتفسير العلمي له وازاي ممكن نعالج وجودها.
إيه هي علامات تمدد الجلد وتشققه؟
الطبقة الوسطى من جلد الإنسان بتتمتع بمرونة كبيرة بتسمح إن الجلد يتشد أو يتضغط عليه وبعدين يرجع لوضعه الطبيعي بس مع استمرار الشد أو تكراره بشكل كبير ساعتها الجلد بيفقد المرونة الطبيعية دي.
ليه؟
عشان الجلد بطبيعته فيه ألياف مرنة لها قدر من التحمل مش بتقدر تعديه فلما تتمزق الألياف دي نتيجة للضغط أو الشد المتكرر والتمدد المتكرر بيبان ساعتها حاجات زي التشققات في الجلد بإلاضافة إن الجلد بيبان مرتخي ومترهل.
لما ده يحصل بتظهر خطوط بلون بنفسجي أو وردي على الجلد وده اللي الناس بتسميه الستريتش ماركس أو علامات التمدد وفي بداية ظهورها بيكون لونها مميز وبارز لكن بيتلاشى مع مرور الوقت .
لكن النسيج المخطط بيفضل موجود والعلامات دي بتبان غالبًا على الفخدين أو الدراعين أو تحت الإبط أو على البطن والصدر.
أسباب تمدد الجلد:
علامات التمدد بتحصل لما جسمك ينمو بسرعة لأي سبب من الأسباب والكولاجين وهو بروتين بيخلي بشرتك أكثر مرونة لو كانت بشرتك مافيهاش قدر كافي منه فده بيخلي العلامات تظهر بسهولة.
علامات التمدد ممكن تحصل بسبب:
- زيادة الوزن بسرعة وده بيأثر على الرجال والنساء.
- طفرات النمو خلال فترة البلوغ.
- الحمل نتيجة لشد الجلد وزيادة الهرمونات اللي بتضعف ألياف الجلد.
علاج علامات تمدد الجلد:
ممكن المظهر اللي بتسببه علامات التمدد لجلدك ما يعجبكيش بس هي مش محتاجة علاح طبيعي أوي لأنها غير مؤذية وممكن تختفي بمرور الوقت الطويل .
بس لو دورت على علاجات لعلامات التمدد فلازم تعرفي إن العلاجات دي فعاليتها جزئية يعني مش هتخليها تروح تماما مع التأكيد على أهمية استشارة الطبيب المختص قبل أي خطوة.
العلاجات دي من بين العلاجات المتاحة لتحسين مظهر وملمس علامات التمدد ولم يثبت نجاح أحدها بشكل ثابت أكثر من العلاجات الأخرى:
كريم من مجموعة الرتينويدات :
ممكن الرتينويدات المشتقة من فيتامين أ مثل تريتينوين (رتين-أ، رينوفا، أفيتا) تساعد على إعادة بناء الكولاجين، وده بيخلي شكل علامات التمدد شكل أقرب للجلد العادي وخلي بالك إن تريتينوين ممكن يسبب تهيج جلدك.
لو كنت حامل أو مرضع فلازم تتكلمي مع طبيبك عن خياراتك العلاجية، عشان الآثار الجانبية المحتملة لكريم من الرتينويدات قد تؤثر على طفلك.
العلاجات بالضوء والليزر:
تتوفر تشكيلة متنوعة من العلاجات بالضوء والليزر اللي ممكن تساعد على نمو الكولاجين أو الإيلاستين في بشرتك. يمكن أن يساعدك طبيبك في تحديد الأسلوب العلاجي المناسب ليكي.
التقشير بالكريستالات المجهرية (الكشط الدقيق للجلد) :
يشمل النوع ده من العلاج استخدام أداة محمولة باليد تنفخ بلورات على الجلد، البلورات دي بتشيل بلطف طبقة رفيعة من الجلد، وده يعزز نمو جلد جديد أكثر مرونة.
المصادر:
التعليق باستخدام حساب فيس بوك