محتويات المقال
سرعة القذف من المشاكل الجنسية اللي بتواجه الرجالة لكن بتعاني منها الستات مع الرجالة. وسرعة القذف تعريفها هو الوصول للنشوة الجنسية قبل الجماع أو بعد أقل من دقيقة من الدخول في الجماع. مفيش وقت معين بيكون العلماء أو الأطباء حددوه لمدة الجماع، لكن اتفقوا إن الوقت المناسب هو الوقت اللي يشوفه الراجل وشريكته مناسب وكافي. في المقال ده هتعرفي أسباب وعلاج سرعة القذف.
أسباب سرعة القذف
مفيش سبب واحد هو اللي بيخلي الراجل يعاني من سرعة القذف، لكن فيه مجموعة من العوامل بعضها نفسي وبعضها عضوي ممكن تكون واحدة فيهم أو أكتر من واحدة هي السبب.
العوامل النفسية لـ سرعة القذف
- الضغط النفسي
- الاكتئاب
- القلق
- مشاكل العلاقة (خناق أو عدم تفاهم)
- انعدام الثقة بالنفس أو بشكل الجسد
- قلق لو شريكته مش في المود
- مشاعر سيئة ناحية عملية الجماع (نتاج مثلًا تربية محافظة جدًا)
العوامل الجسدية لـ سرعة القذف
- الهرمونات مش متظبطة
- كيميا المخ مش متظبطة (لو مستوى السيروتونين قليل، ممكن يسبب سرعة القذف)
- التهاب البروستاتا أو أي التهاب في الحالب.
علاج مشكلة سرعة القذف
- تمرين التحكم في القذف: الزوج والزوجة بيبدأوا في المداعبة وبمجرد الإحساس إنه على وشك الوصول للأورجازم، بيبطلوا المداعبة أو الممارسة الجنسية لمدة 30 ثانية وبعدين يستكملوا المداعبة ويكرروا التبطيل والاستمرار ده 3 أو 4 مرات.
- تمرين العصر: نفس بداية التمرين السابق ولكن بمجرد الإحساس بالوصول للأورجازم، بيقوم الزوج أو الزوجة بعصر راس القضيب لحد ما يفقد الانتصاب، وبرضه بيكرروا التمرين لـ3 أو 4 مرات.
- التفكير: لو اتشتت تفكير الزوج أو سرح خلال الممارسة ممكن ده يطول مدة الانتصاب.
- تقوية العضلات: لو عضلات الحوض ضعيفة، ممكن يكون ده السبب في سرعة فقدان الانتصاب وسرعة القذف.
- الكوندوم: لبس الكوندوم أو الواقي الذكري كفيل إنه يطيل مدة الجماع، ويمنع سرعة القذف.
- لو سبب سرعة القذف نفسي، لازم الزوج يرجع لطبيب أو معالج نفسي.
- الأدوية: فيه أدوية ممكن تساعد في تطويل مدة الجماع أو تأخير القذف ممكن الزوج يسأل عنها طبيبه.
المصادر
Web MD
What’s your Reaction?
التعليق باستخدام حساب فيس بوك