علاج نقص الكالسيوم: حقن الكالسيوم للأطفال والرضع

حقن الكالسيوم للأطفال والرضع واحدة من أكتر الحاجات اللي بتخوف الأهالي، بمجرد ما يوصفها الطبيب لطفل، يبدأ أسئلة يا ترى حقن العضل الكالسيوم عضل ولا حقن الكالسيوم في الوريد، ولا حقن الكالسيوم تحت الجلد؟ هل ضروري أصلا الطفل ياخد حقن كالسيوم ولا مفيش داعي ودي مبالغة من الدكتور وايه أعراض نقص الكالسيوم عند الأطفال اللي لازم ياخد لها حقن كالسيوم فورا.

نقص الكالسيوم عند الأطفال

نقص الكالسيوم عند الأطفال، بيحصل لما نسبة الكالسيوم في دم الطفل تنخفض للدرجة اللي مايبقاش معاها كافي عشان يبني عظام وأسنان صحية، وده كمان بينعكس على الأعصاب والعضلات وبيوصل التأثير للقلب، والطفل اللي بيعاني من نقص الكالسيوم بيبان تعبان جدا لدرجة إنه ممكن يعاني من خلل في العظام والأعصاب لو ماتعالجش كويس.

أعراض نقص الكالسيوم عند الأطفال والرضع

الطفل بيكون عصبي وصعب التعامل معاه
القيء
الطفل بيكون ضعيف وسايب من بعضه
هاتلاقيه بيترعش وبيتهز أو متوتر
ممكن يعاني من نوبات الصرع
تغيرات القدرة العقلية
بطء النبض
عدم انتظام ضربات القلب
انخفاض ضغط الدم
قصور القلب
التنميل في أصابع اليدين والقدمين وحول الفم
تقلص عضلات الإيدين والقدمين والوجه
تشنج العضلات
ويمكن أهم عرض هو علامات الكساح ولين العظام

أسباب نقص الكالسيوم عند الأطفال

الحقيقة إن في أسباب كتير جدا ممكن تكون سبب في نقص الكالسيوم عند الطفل، أهمها:

النظام الغذائي اللي مفيهوش كالسيوم، وده بيحصل لو تم تغذية الطفل بحليب صناعي منخفض الجودة أو بمعنى أصح تركيبته خفيفة.
لو تم الاعتماد على لبن البقر أو الماعر أو أي انواع أخرى من اللبن غير لبن الأم للأطفال أقل من سنة
النظام الغذائي اللي فيه نسبة قليلة من فيتامين د. وده اللي بيساعد الجسم على امتصاص الكالسيوم الموجود في أنواع الحليب المختلفة سواء كان لبن الأم أو اللبن الي بينجيبه من الصيدلية، الأطفال اللي بيرضعوا عموما محتاجين فيتامين د لحد سن السنة وأحيانا لحد السنة ونص.
نقص الهرمون المسئول عن كمية الكالسيوم في الجسم
نقص الكالسيوم في الدم عند حديثي الولادة حاجة نادرة، لكن لو الأم عندها سكر، أو الطفل اتولد بدري أو اتولد بصعوبة أو اتولد حجمه صغير جدا، فهو بيكون عرضة لنقص الكالسيوم أما الشائع إن المشكلة تكون عند الأطفال الأكبر سنا.