أهم علامات من أعراض الحمل بولد
طول الشعر وإنتشار الشعر في الجسم
من ضمن العلامات الشائعة اللي الأمهات بتقول إنها حصلت ليها في الحمل بولد هي طول الشعر وكثافته ولمعانه وكمان إنتشار الشعر الزائد في البطن والوجه وسرعة نموه في أماكن كتير في الجسم.
هنا شوفي مراحل تطور الحمل وتكوين الجنين شهر بشهر
شكل البشرة
شكل البشرة المرهق وكثرة ظهور البثور والحبوب والهالات السودا من ضمن علامات الحمل بولد عكس البشرة المتألقة وجمالها اللي بيقال إنها من ضمن علامات الحمل ببنت.
الخط الغامق تحت السرة
يقال إن من ضمن علامات الحمل بولد بظهر الخط الغامق تحت السرة أكثر وضوحًا وغمقان من الحمل ببنت.
هنا 20 علامة مؤكدة تدل على الحمل في بنت
حجم الأنف
زيادة حجم الأنف وكبرها بشكل ملحوظ عند الحمل بولد.
التغيير في لون البول
يقال إن وقت الحمل بولد لون البول بيخحصل فيه تغيير وبيبقى غامق عكس لون البول الفاتح اللي بيدل على الحمل ببنت.
حقيقة علامات الحمل بولد
العلامات اللي اتكلمنا ليها سابقًا دي في الحقيقة ملهاش أساس علمي أو أبحاث علمية مؤكدة وجازمة تخليكي واثقة إنك حامل في ولد، لانه ببساطة كل أم حامل بتمر بكل التغيرات دي بإختلاف الظروف، عادي إن كل الحوامل يظهر ليها شعر بكثافة في مناطق متفرقة من الجسم أو يحصل تغيرات في لون البول أو حتى يحصل ليها مشاكل في البشرة بسبب تغيرات وزيادة أو الهرمونات والعلامات دي ما هي إلا خرافات وتكهنات بتتناقلها الأجيال، والحقيقة الوحيدة القاطعة عشان تعرفي فيها إنتي حامل في ولد أو بنت هو السونار اللي عند الدكتور أو السونار رباعي الأبعاد الـ4.
التعليق باستخدام حساب فيس بوك