التسنين من المراحل اللي بتكون صعبة عند الأطفال وبيمروا بتغيرات كبيرة في الفترة دي هنقولك عليها وكمان هنقولك على طرق عشان تخففي عن طفلك الألم وتهوني عليهه تعب فترة التسنين.
وقت التسنين بيبدأ تقريبًا من عمر 6 شهور بس فيه أطفال بتبدأ من قبل كده وممكن الأعراض تستمر كام أسبوع وفيه أطفال بتستمر معاهم الأعراض مدة طويلة لحد ما يبتدي يطلع أول سنة ومن أعراض التسنين عند الأطفال:
- تورم اللثة.
- العض ووضع إيده في بقه.
- كتر اللعاب (الترييل)
- تغيرات في نظام النوم زي الأرق وقلة النوم.
- فقدان الشهية.
- العياط الكتير.
- حرارة بسيطة في بعض الأحيان.
تعملي إيه عشان تخففي من آلام التسنين عند طفلك؟
مصدر الصورة: Momjunction
- طبعًا لاحظتي إن أعراض التسنين مزعجة قد إيه بالنسبة له فحاولي دايمًا تلهيه باللعب معاه عشان ينسى الوجع.
- فيه بعض أنواع العضاضات بتتحط في التلاجة عشان تبرديها وتديها للبيبي عشان يعض عليها وتخفف من وجع اللثة ممكن تشتري لطفلك منها وتنقي منها الألون الزاهية عشان تجذب إنتباهه ويحب يمسكها.
- ممكن تعملي تدليك براحة لمنطقة اللثة، فيه فرشاة أسنان للرضع بتكون معمولة من السيليكون ورقيقة على الرضع ممكن تعملي بيها لطفلك تدليك براحة على أماكن اللثة، ولو مش متوفر عندك الفرشاة ممكن تستخدمي شاشة رطبة.
- لو بدأتي الأكل الصلب، ممكن تجربي الجزر البارد أو الخيار بس لازم تخلي بالك من معايير السلامة عشان طفلك ميبلعش أي قطع صغيرة لا قدر الله.
- لو الألم شديد وطفلك تعبان ومش مستحمل ألم السنان ممكن تلجأي للمسكن بس أهم حاجة تستشيري دكتور الأطفال عن أفضل مسكن والجرعة المناسبة ليه.
حاجات تخلي بالك منها طول فترة التسنين عند الأطفال
مصدر الصورة: Getty Images
- الوقت ده طفلك هيكون حابب يعض أو يحط في بقه أي حاجة بتكون قدامه، فخلي بالك من خطر الإختناق لا قدر الله عشان لو قدامه لعب صغير وحطها في بقه.
- التسنين ممكن يعمل حرارة بسيطة بس مش أكتر من 38 فلو درجة حرارة طفلك زادت لازم توديه للدكتور.
- ابعدي عن المراهم والكريمات اللي بتسكن أو بتخدر مكان الألم وبيكون فيها مواد زي البنزوكايين أو الليدوكايين.
المصدر:
What’s your Reaction?
1 comment
[…] في المقال ده، لجأنا للمتخصصين عشان نساعدك تفهمي أكتر عن فترة التسنين وعن أسباب تأخيرها عند الأطفال. (ممكن تشوفي هنا علامات وأعراض التسنين عند الأطفال) […]