الحامل لأول مرة بتحس بقلق وحيرة وخوف على جنينها لما تحس بأي تعب، فتروح بسرعة للدكتور في غير معاد الفحص الدوري وفي أحيان كتيرة من غير داعي. عشان كده، في المقال ده، جمعنا لك أهم علامات الخطر أثناء الجمل اللي لما تحسي بيها، تعرفي إن ده مؤشر خطير، ولازم تهتمي وتتصلي بالدكتور عشان ياخد التصرف المناسب واللازم.
أهم علامات الخطر أثناء الحمل
فيه 5 علامات هم أهم علامات الخطر أثناء الحمل، لازم تتوجهي للطبيب فيهم.
- نزيف مهبلي في السبع شهور الأولى من الحمل (قبل الأسبوع الثامن والعشرين) لأن ده معناه إن حملك معرض للإجهاض، فلو كانت كمية الدم قليلة، ارتاحي في الفراش واتصلي بطبيبك في أقرب فرصة. أما إذا كان النزيف كثيف ومصحوب بآلام، فضروري تلزمي الفراش فورًا وتتصلي بدكتورك.
- ألم شديد متواصل في البطن لأن ده ممكن يكون ناتج عن انفصال المشيمة المبكر أو عن أي أمراض باطنية حادة.
- انفجار جيب المياه، فالمخاض بيبدأ أسرع بعد انفجار جيب المياه ومن المهم إنك تتأكدي بأن جيب المياه انفجر فعلًا وإن السائل اللي خرج من المهبل مش بول أو سائل آخر احتبس في المهبل.
- اضطراب في الرؤية لأن ده لو حصل في النص التاني من الحمل ممكن يكون بسبب تسمم الحمل أو الارتفاع الشديد في ضغط الدم.
- ألم الرأس الشديد المتواصل خاصة اللي بيتمركز فوق منطقة العينين أو في المنطقة الخلفية للراس وأحيانًا ممكن يكون مصحوب باضطراب الرؤية وبيكون غالبًا نتيجة التسمم الحملي أو ارتفاع ضغط الدم.
أعراض تانية تقولي لطبيبك عنها
الأعراض التالية أعراض لازم تقولي عنها لطبيبك في أقرب فرصة ممكنة لو حصل معاك أي حاجة منها:
- ارتفاع حرارتك لـ 38.5 درجة مئوية أو أكتر.
- التقيؤ الشديد خلال الحمل اللي ممكن يؤدي إنك تفقدي السوائل اللي في جسمك والأكل اللي بتاكليه وبيأثر على صحتك.
- تنفخ الإيدين (بما فيها الأصابع) والوش والساقين، وده ممكن يحصل في أي مرحلة من الحمل، خاصة مع التسمم الحملي أو ارتفاع الضغط أو الزيادة المفرطة للوزن، وبيلاحظ كمان انتفاخ آخر الساقين في المفصل اللي بيفصل بينهم وبين الرجل في الجو اللي حرارته شديدة. فلو اتنفخ لدرجة إنك مش قادرة تلبسي الحذاء، فدي علامة إنذار لازم تعرفيها للدكتور.
- اختفاء حركة الجنين، فبالرغم إن فيه أجنة كتير ممكن تبطل حركة لأيام أو أكتر خاصة في الشهر الخامس، بس الأم لو حست إن مفيش أي حركة للجنين في خلال 24 ساعة لازم تبلغ الدكتور في أقرب فرصة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك