محتويات المقال
مفيش أي أب أو أم هيحبوا إنهم يكتشفوا إن ابنهم المراهق عنده إدمان للمواد الإباحية، وبالرغم من كده أعداد المراهقين اللي بيتعرضوا للمواد الإباحية بتزيد والإدمان بيزيد، خاصة مع السن الصغير وفوران الهرمونات والرغبة في التجربة اللي بتبقى ملحة في السن ده.
العلامات دي علامات منتشرة عند الشباب اللي عندهم إدمان للمواد الإباحية، فهنقولك على طرق التربية اللي ممكن تتبعيها في مواجهة المشكلة دي، بس حطي في اعتبارك كمان إنها مش كلها دليل قاطع:
-
الاكتئاب وفقدان الرغبة:
- الأولاد في سن المراهقة بيبدأوا يتعرضوا لتحديات حياتية، وبيكونوا مضطرين للتأقلم معاها وعشان يعملوا كده بسلاسة لازم يكون عندهم اكتفاء عاطفي كامل، وللأسف ده مش بيكون موجود في أغلب الحالات، وجزء منه بيرجع إن أصلا دماغهم وأفكارهم لسه بتتشكل.
- الإباحية هي عبارة عن منبع من الدوبامين للمراهقين اللي بيمروا بمشاكل، حاجة بتحسن مزاجهم بشكل سريع، غير إنها جزء من الفضول تجاه الجنس واستكشافه.
- فين المشكلة لو في دوبامين؟ يعني منين هييجي الاكتئاب؟
للأسف الاكتئاب بييجي لما تكون الحاجة اللي بتبسطنا حاجة مخجلة ومحرمة وسرية وبتغير كيميا الدماغ، لما المراهق يكون بيحاول يدور على الإباحية ويخبيها ويحس بالعار تجاه ده هيخليه عرضة للاكتئاب بشكل قوي، وهيقلل من انبساطه وسعادته بالحاجات التانية اللي موجودة في حياته، وهتبقى الإباحية بس هي الباب المفتوح، إدمان ألعاب الكمبيوتر بالمناسبة بيشتغل بنفس الطريقة وفي أوقات كتير بيتم استخدامه مع المواد الإباحية.
-
الكذب والسرقة والأسرار :
لو زاد المراهق من عدد الأسرار اللي مخبيها، والكذب اللي بيختلقه ففي ناس ممكن تتخيل إن دي تصرفات طبيعية لمراهق بيلاقي طريقه، بس الحقيقة إن إحنا لازم نثق بالحدس الداخلي اللي عندنا، خاصة لو في فلوس بتختفي أو بطاقات إلكترونية أو كلمات مرور بتتغير بشكل مستمر.
الفرق بين اللعب الجسدي والجنسي عند الأطفال
-
السهر لوقت طويل:
صحيح إنه غالبا في كتير من المراهقين بيسهروا لوقت متأخر، بس لو ده بقى وضع مستمر طول الوقت يبقى في مشكلة، ولازم يكون عنده مبرر مقنع لك بسبب السهر.
-
الهوس التكنولوجي:
المراهقين اللي ما عندهمش أي رقابة على الانترنت معرضين لخطر إدمان الإباحية والألعاب قبلها، مهم إنك تكوني مطّلعة على سجل الجهاز من غير مراقبة ضاغطة، وهيكون في مشكلة غالبا لو لقيتي السجل محذوف دايما.
إيه ردة الفعل اللي ممكن تعمليها لو اكتشفتي حاجة زي دي؟
- خليكي مصدر الأمان بالنسبة لابنك، عرفيه إنه مهم جدًا بالنسبة لك، إنك فاهمة مشاعر العار والخوف والغضب اللي ممكن يكون حاسس بيها، طمنيه إنك مش بتحكمي عليه وإنكم هتقدروا تشوفوا حل سوا.
- اسمعيه، اسمعيه وحاولي بمساعدة باباه إنك تهدي أسطورة الإباحية في دماغه، وإنها صناعة قائمة على الإثارة ومش حقيقية أبدا، وإنكم جنبه ومش هتكونوا بعيد عنه أبدا.
- اتكلمي مع مختصين علشان يقولولك أحسن طريقة للتعامل مع ابنك.
- خليكي متأكده إن الثقافة الجنسية مهمة جدًا ليكي وبالتالي ده هينعكس على ابنك.
مع تمنياتنا ليكي برحلة مراهقة هادئه مع ابنك
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك