اكتشاف إن الابن المراهق ممكن يكون مدمن للمخدرات أو بيتعطاها من أصعب الحاجات على الأهل، ولو كان في سبب للشك فمش لازم الأهل يخافوا من السؤال المباشر “بتشرب أو بتتعاطى مخدرات؟ ” مفيش أي حد هيكون عايز يسمع كلمة ” آه” لكن دي ممكن تبقى بداية التغيير الإيجابي وحل المشكلة بطريقة تربوية.
علامات على تعاطي المخدرات:
- تحولات في المزاج والشخصية، زي إنه يبقى كئيب أو منسحب من الحياة، فاقد للتركيز، مش بيتحفز بسهوله، عدائي، غاضب، مش متعاون، مخادع وعنده أسرار كتير، مفرط النشاط أو مبتهج على طول بشكل مش طبيعي.
- التغييرات السلوكية زي العلاقات المتغيرة وغير المنضبطة مع أفراد الأسرة أو الأصدقاء أو الغياب أو فقدان الاهتمام بالمدرسة، بيتجنب الاتصال البصري وبيختفي لفترات طويلة، بيخرج كتير، أعذار كتير، بيستخدم لبان طول الوقت، بيستخدم مستحضرات تقليل احمرار العين أو الأنف.
- عنده مشاكل في الكلام وبقى أبله بشكل غريب وبيقع كتير وماعندوش توازن وبيعاني من الأرق والنوم الطويل التعويضي بعدين.
- تغييرات على النظافة والمظهر زي ريحة الدخان أو روايح تانية غير معتادة، مظهره فوضوي أكتر، وشه محمر على طول، حروق على صوابعه أو شفايفه، علامات الحقن على دراعه أو رجليه أو بيلبس كم طويل عشان يخبيها.
- تغييرات على صحته العامة زي إنه يكون بيتعب كتير، مش بيقدر يتكلم بشكل واضح، عنده سيلان أنف كتير، عنده بقع على فمه، زيادة وزن أو خسارته بشكل سريع ومفاجيء، كدمات في الجسم، عرق مستمر، نوبات وقيء.
المراهقة: 5 حاجات خطيرة لو عندك مراهق في البيت
ازاي تاخدي بالك؟
- استخدمي أنفك:
اعملي معاه محادثة حقيقية وجهًا لوجه لما يرجع للبيت بعد التسكع مع الأصدقاء، لو كان في شرب أو تدخين للحشيش، فالريحة ممكن تبان على نفسه أو هدومه أو شعره.
- بصي في عينه:
بصي على عينه واللي هتكون حمرا وجفنه تقيل لو كان بيتعاطى الحشيش، وممكن ما يقدرش يركز ووشه هيكون محمر وخدوده لو بيتعاطى.
- راقبي سلوكه:
ازاي بيتصرف بعد سهره مع أصحابه؟ طبيعتهم إيه؟ مزعجين وكريهين ولا أشخاص عاديين؟ طريقة مشيهم؟ وكلامهم؟ كل دي علامات بتفرق المتعاطي عن غيره.
لو لقيتي علامة على التعاطي فدي فرصة للمحادثة المؤجلة ولازم تفتحي قلبك وحضنك لابنك وتشوفي هتتصرفوا ازاي في المشكلة، لو مش بيتعاطى فدي برضو فرصة إنك تعرفي إيه اللي حصل وخلى سلوكه اتغير بالشكل ده.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك