معظم الأمهات اللي أطفالهم بيعتمدوا على الرضاعة الصناعية، بيهتموا جدًا بتعقيم الببرونة، واتباع القواعد الصحية والسليمة في تحضير الرضعة، على حسب المكتوب على علبة الحليب الصناعي، بس ده مش كفاية للحفاظ على صحة الطفل، وكمان معظم الأمهات مش بتعرف العمر الأفتراضي للببرونة اد ايه؟ لكن في علامات مهمة بتقول إنك لازم تتخلصي من ببرونة طفلك القديمة وتستخدمي واحدة جديدة.
-
حلمة ببرونة طفلك القديمة
الأطفال عموما بيعضوا كتير في حلمة الببرونة أثناء الرضاعة الصناعية، وده بيسبب تلف في الحلمة وبيخلي الفتحات بتاعتها توسع، وده ممكن يسبب شرقة للطفل لا قدر الله، بسبب زيادة منسوب تدفق الحليب، فأول لما تلاحظي أي خلل في حلمة ببرونة طفلك القديمة لازم تغيريها فورًا.
هنا بقى احذري استخدام هذه المادة عند تنظيف الببرونة
-
الببرونة البلاستيك
الببرونات البلاستيك مهما كان نوعها كويس، مع كترة التعقيم والغسيل بالفرشاة الخشنة والغليان، بيجرح البلاستيك وبيتغير لونه، وفي الحالة دي لازم تغيري ببرونة طفلك القديمة في أسرع وقت.
-
أي شرخ في أجزاء ببرونة طفلك القديمة
لو لاحظتي إن الببرونة بتسرب من أي جزء فيها، سواء من جسمها، أو من الحلقة اللي بتمسك الحلمة، وسواء كانت الببرونة بلاستيك أو زجاج، فكده لازم تغيريها.
-
مقاس الببرونة
لو طفلك كبر على مقاس الببرونة اللي بتستعمليها، سواء في كمية اللبن، أو في درجة اتساع فتحات الحلمة، فلازم تغيري الببرونة للحجم اللي يناسب طفلك.
-
رفض طفلك للببرونة
زي ما إحنا الكبار لنا مزاج في الأطباق والكوبايات اللي بنشرب فيها، الأ”فال كمان لهم نفس المزاج، فمرات كتير الطفل بيرفض تماما الببرونة اللي إنتي بترضعيه منها، في الحالة دي جربي نوع تاني لحد ما يقبل.
جمعنا لك هنا أجمد 10 أنواع ببرونات أطفال في مصر
مع تمنياتنا ليكي ولطفلك برحلة رضاعة صحية وممتعة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك