الرضاعة الصناعية لها صعوبات زي الرضاعة الطبيعية. الرضاعة الصناعية مثلًا فيها مشكلة الحرارة، ظبط حرارة الرضعة، تعقيم الببرونة وتنظيفها كويس، وكمان عدم معرفة مدة انتهاء رضعة الحليب الصناعي أو زي ما بيقولوا الـshelf life بتاعة اللبن والـexpiry بتاعة الرضعة. وحيرة الأمهات يعني فساد رضعة حليب الأطفال الصناعي نعرفه ازاي؟
هنا ممكن تشوفي أفضل أنواع الحليب الصناعي للرضع بالأسعار من الصيدلية
مدة صلاحية رضعة الحليب الصناعي
أول ما تعملي الرضعة الصناعي، فهي أمان إنك تسيبيها في درجة حرارة الغرفة لمدة ساعتين فقط. فلازم لو هترضعي الطفل رضعة لبن صناعي، لازم تعمليها على قد ما البيبي هياكل أو تكوني عاملة حسابك إن البيبي هيرضع الرضعة كلها قبل مرور ساعتين على الرضعة. لو هتشيليها في التلاجة، فمدة الصلاحية بتطول لحد 24 ساعة بشرط الببرونة تكون نضيفة تمامًا ومعقمة قبل ما تحضري فيها الرضعة.
موانع الرضاعة الطبيعية .. إمتى لازم تلجأي للبن الصناعي
مدة صلاحية علبة الحليب الصناعي
طب عرفنا الرضعة والببرونة، إنما علبة اللبن الصناعي نفسها بقى مدة صلاحيتها قد إيه؟ أول ما بتفتحيها، عدّي شهر. يفضل تستخدمي علبة اللبن خلال شهر من فتحها مهما كان تاريخ الصلاحية المكتوب على العلبة.
علامات فساد رضعة حليب الأطفال الصناعي
مبدئيًا فيه قاعدة بتقول: when in doubt, throw it out يعني بمجرد ما تشكّي إن اللبن مش كويس، ارميه، حتى لو فيه احتمال. تعالي نشوف العلامات:
- لو البيبي رضع من الببرونة والببرونة فضلت أكتر من ساعتين، ارميها، لإن البكتيريا اللي في اللبن مع لعاب الطفل هتخلي معدة الطفل عرضة للتعب.
- الريحة اتغيرت.
- اللون اتغير.
- فيه رواسب في آخر الببرونة اتكونت. (فصل من بعضه)
مخاطر شرب البيبي للبن الصناعي بعد ساعتين في حرارة الغرفة
- الإسهال
- الترجيع
- التعب والإرهاق الشديد
- تغير في لون بشرته للون أحمر
- غازات كتير
- عياط زيادة بعد الرضاعة مباشرة.
التعليق باستخدام حساب فيس بوك